محافظة جنوب سيناء من أجمل محافظات مصر يوجد بها كل ما تحلم به و تتخيله لكي تقضي أجازة ممتعة فيها بحر ممكن تغطس و تشوف جمال الطبيعة من شعب مرجانية و أنواع أسماك مبهرة  وكمان فيها جبال ينفع تطلعها سفاري أو تدخل الصحراء بجمال أو بيتش باجي  دا غير أماكن سهر المميزة و الأكل هناك لذيذ مختلف بس مع كل دا في هناك 5 أماكن هقولك عليهم لازم لو أنت هناك تزورهم لأنك هتنبهر من جمال و روعة هذة الأماكن .

1 – Castle Zaman

castle zaman

المكان التحفة دا بين طابا و نويبع في منطقة أسمها بير صوير هتأكل هناك أشهي أكل ممكن تأكله فى حياتك مع مشهد رائع لخليج العقبة من بطن الجبل لأن القلعة مبنية فى داخل الجبل مع أجواء أسطورية من الجمال بسبب الموسيقى و الأضاءة دا بالأضافة الى أنك ممكن تنزل حمام السباحة اللى جوا الجبل .

2 – الفرشة

الفرشة

أفضل مكان للأسترخاء وقت الغروب فى شرم الشيخ هو الفرشة و الفرشة على منطقة الهضبة فأنت أمامك مشهد رائع للغروب مع الموسيقى الهايلة اللى بتكون فى المكان و ممكن هناك تشرب شيشة على كيفك و تشرب شاي و قهوة او أى مشروب أو كوكتيل تفضله و أسعارهم لذيذة و المعاملة رائعة و ماتنساش تسأل على طبق الفاكهة المميز .

3 – قلعة صلاح الدين

قلعة صلاح الدين

لو قريب من طابا لازم تروح قلعة صلاح الدين وهي قلعة أثرية لو مهتم بالأثار تقدر تدخلها و تشوفها و ممكن كمان تعمل سنوركيلنج حواليها بس لازم تروح بمركب عشان تقدر توصلها لأنها فى منتصف الخليج تقريباً بين مصر و الأردن و السعودية .

4 – عياش كامب

عياش كامب
عياش كامب هو أشهرر مخيم فى رأس شيطان فى منتصف الطريقق بين طابا و نويبع على خليج العقبة بيتميز أنه ينفع تقضي ليلة هناك مع الكل البدوي اللذيذ و الموسيقى البدوية و بعدين تنام فى خوشة من الخوش الكامب على الجبل مع مشهد رائع للخليج و جبال السعودية أمامك .

5 – Pacha

pacha
أما بقى لو كنت من هواة السهر و النوادي الليلة فأفضل مكان ممكن تسهر و ترقص فيه هو Pacha  فى خليج نعمة موسيقى مميزة للرقص مع مشروباتك و كوكتيلاتك المفضلة و سيب نفسك و أنبسط .