على طريقة علاقة حسن الرداد وايمي سمير غانم اللي اعتمدت على الكتمان والابتعاد عن الأضواء، بعد ما اتعمدوا إخفاء تفاصيل علاقتهم ونفى وجود أي علاقة عاطفية بينهم رغم الضغط اللي مارسته عليهم وسائل الإعلام لفترة طويلة، هنقولكوا انهاردة 5 أسباب يخلوك تعمل زيهم وتداري على شمعتك.
1-حياتك الخاصة ملكك
انت مش مضطر تعرف كل الناس تفاصيل حياتك وترضي فضولهم لمجرد انهم يلاقوا حاجة يتكلموا فيها وتبقى انت محور حديثهم، حياتك الخاصة دي ملكك انت وبس ومش من حق حد يتدخل فيها بأي شكل من الأشكال.
2-نفسنة ايفري وير
لإن الناس عمرها ما هتفهم تفاصيل علاقتك ونظرتهم ليها دايماً بتكون سطحية، يعني ممكن جداً صورة بروفايل على الفيسبوك تخليهم يحكموا على علاقتك بإنها مثالية ومش كدة وبس ده ممكن كمان تلاقيهم بينفسنوا منك لإن من وجهة نظرهم انت عايش حياة كلهم بيتمنوها ومحدش فيهم شايف الجانب التاني من العلاقة اللي مليان مشاكل وخلافات مبتخلصش، وعشان كدة من الأفضل إنك تداري على شمعتك لحد ما الموضوع يكمل ويتم على خير.
3-محدش غيرك هيحس بيك
طبعا مفيش حد هيقدر يحس بيك أو يفهم علاقتك غيرك انت، انت وبس، الناس كلها بتشوف من برة، وممكن تلاقيهم بيحاولوا ينصحوك أو يقولولك هما قد ايه فاهمينك وحاسين بيك، لكن في الحقيقة “اللي ايده في المية مش زي اللي ايده في النار”، وعشان كدة متحاولش تحكي لحد لإنك مش هتسمع منه اللي يرضيك.
4-مش ناقصة ضغط نفسي
الحق دول سابوا بعض، ايه ده دول رجعوا تاني، ايه ده دول بيتخانقوا كتير، الاتنين دول بيحبوا بعض جداً، كل دي جمل هتفضل تسمعها من كل الناس اللي حواليك بمجرد ما تدخلهم في حياتك وتقرر تقولهم إن في حد في حياتك، وده في حد ذاته هيعيشك في ضغط نفسي انت في غنى عنه.
5-لو سبتوا بعض مش هتشيلوا هم الناس
