بقلم : شيماء احمد
اوعي تفتكري ان قرار الخلفة قرار سهل، كل الناس اللي ملهوفة على الجواز والخلفة متعرفش ايه اللي مستنيها، وانا طبعا بتكلم لستات اكتر من الرجالة، فلو انتي ست وبتفكري تخلفي لازم تقري ده الاول قبل ما تاخدي الخطوة دي
-
نسيت النوم واحلامه
انك تنامى فى أى وقت كده لاسمح الله (ده لوعرفتى تنامى أصلا) ده شئ انتهى بلارجعة تنامى ازاى بس وابنك صاحى وانتى عارفة ان ده عواقبه هتكون وخيمة ع الكل اما الشقة هتتحرق او هينط من البلكونة أو يغرق فى البانيو أو هيتكهرب حتى لو مأمنة كل الكهربا ومغطيها كويس هو هيتصرف وهيلاقى أكيد وسيلة يكهرب نفسه بيها فطبعا هتفضلى مفنجلة أفضلك من الكوارث وهتحاولى كل المحاولات الفاشلة عشان ينام ولما تزهقى وتفقدى الأمل ممكن تلقيه فى أقل من ثانية أستغرق فى نوم عميق بدون أى مقدمات طبعا هتزأططى من السعادة وتفتكرى الحوار انتهى على كده أبدا بعد 10دقايق هتشيلى الفكره ديه من دماغك لأن أول ماعينك يدوب هتغفل هتتفزعى على صريخ عايز يرضع عايز يغير وبعد كل ساعة هتقومى على نفس الصريخ لنفس السبب أو لأسباب مختلفة مش هيغلب الأطفال عندهم الكثير من الأشياء لأزعاجك ونفاذ صبرك.
-
اللي خلف مخرجش
انك تخرجى لوحدك أو مع أصدقائك وتنبسطى أو على الأقل بدون خسائر ده درب من دروب المستحيل خدى عندك بقى هتمسكى شنطة أد ابنك 3مرات عشان يدوبك تكفى البامبرز واللبن والزبادى والببرونة وهدوم داخلية وخارجية والمفروض انك تشيل كل ده وتمسكى ابنك اللى هيعيط بعد دقيقة عشان تشيله مع الشنطة ومش هتبقى عارفة مين المفروض يدخل التاكسى قبل أيه انتى ولا الشنطة ولاالبيبى وغالبا هتتحشروا مع بعض سوا فى نفس اللحظة وطبعا هتوصلى متأخرة ساعة ساعتين ع الأقل وصحابك يا اما هيمشوا ويسبوكي أوهيستنوكى ويقابلوكى ببوز أطول من كوز الذرة وفى الحالتين مش هتشوفيهم تانى وفى أغلب الأحوال مش هتعرفى أصلا تعقدى 3دقايق متواصلين من غير ماتقومى وتعقدى أكتر من مرة وعمرك ماهتعرفى تكملى جملة لأخرها وماهينوبك غير الشحططة والفرهدة فلتزمى البيت لعل الله يحدث بعد ذالك أمرا
-
وكل يوم في حبك تزيد الممنوعات
لو كنتى من هواه مشاهدة الأفلام فى السينما أو حضور حفلات فى الأوبرا أو ندوات ثقافية أو الذهاب للجيم والشوبنج أو حتى الرغى فى التيلفون ألحقى ودعى كل هواياتك المفضلة قبل ماتخلفى لأن قدامك سبع تسع سنين على ماتعرفى تمارسى هوايتك تانى ده لو كان لسه فاضلك شوية صحة أصلا
-
الفوضى شعار المرحلة
أكيد قضيتى أول فترة جوازك فى شقتك الجديدة فى نظام ونضافة وكل شئ مرتب وفى مكان ثابت وكنتى لاتعلمي ان شقتك الظريفة هتنقلب رأس على عقب مع ظهور أول طفل وانك بدل ماكنتى محتارة تغيرى مكان الفازة هنا أحسن ولاهنا مش هتبقى عارفة تمشى أصلا فى الشقة من المكعبات اللى بتورم رجلك ولا ترجعى الهدوم لمكانها الطبيعى فى الدولاب مش ع السرير والأرض ولاريموت التلفزيون اللى مستقر فى الثلاجة واللعب اللى وجدها غير مبرر فى الحمام
-
مفيش صاحب بيتصاحب