مقدرش أصدر أحكام مطلقة وأقول البنات بتحب الولد الخشن  الشديد. أو البنت بتحب الولد الحساس الهادي.. لأن صعب البنت نفسها تعرفها هي عايزة أيه. لأنها من وجهة نظري بتبقى عايزة الأتنين في شخص واحد. في بعض المواقف يكون رقيق وحساس.. وفي مواقف تانية يكون شديد وحازم. بس الأكيد وعن تجارب شهدتها بنفسي. البنت اللي بترتبط بولد حساس اوفر –مشيها حساس- بتواجه مشاكل بعينها.. منها:
  • انا أمرأة بلا قيد

canvas

مشكلة الولد الحساس أنه لما يرتبط ببنت حساسة وبتتكسف زيه أنه مش بيعرف يسلك معاها.. ولما بيرتبط ببنت مدردحة مشكلته أنه مش بيعرف يسلك معاها برضه.. وبالذات النوع التاني ده من البنات اللي بتحس أنها بتقولك طول الوقت بلبسها وأسلوب حياتها “أنا أمرأة بلا قيد”. البنت دي بقى الولد الحساس مش بيعمر معاها أسبوع. ولو حبته هتقع في فخ جامد.. كل الحاجات المجنونة اللي نفسها تعملها مش هيعملها معاها عشان هيكون شايفاها يمامة بيضاء رقيقة تسير على الحشائش دون أن تكسرها.

 

  • أنت مرة في عُمرك… هه؟

hqdefault (1)

ولأن الولد الحساس الكسوف بيشوف البنت معاه يمامة بيضاء رقيقة – وده جزء من شخصيتها اكيد- مش بيشوف الجزء الجواني في شخصيتها اللي هي عايشة طول عمرها مستنية فارس الأحلام يجي يخرجه من جواها.. وهو الجزء الوايلد السيكسي المجنون.. مش حد يدفي لها السرير عشان تيجي تنام بعد ما تسهر مع صحابها (الحوار من فيلم طير انت عشان محدش يفهمنا غلط) .. لا هي عايزة واحدة حرفيا يجبها من شعرها في لحظات بعينها يعني.. حنيناً لأيام البدائية الأولى
  • وأحسس وأعتذر

download

البنت اللي مرتبطة بولد حساس وبتحبه. ماينفعش تتكلم عادي كده ابداً زي البني ادمين. لازم تحسس على كل كلمة بتقولها.. ولو قالت كلمة من غير ما تحسس عليها كويس هيكون ادامها بتاع يومين أو تلاتة أعتذار لإصلاح ما أفسده الكلام اللي ممكن يكون كان كلام عادي اساسا لو قالته لأي أنسان تاني مش هياخد باله منه  اصلا.
  • سامح عبد العلوم بتاع كلية الشكور

vlcsnap_2012_07_15_10h46m37s245

ومش بس لازم تحسسي على الكلام اللي بتقوليه.. ده هو كمان بيحسس على الكلام اللي بيقوله.. الجملة تطلع بعد إرتباك.. وياريتها بتكون جميلة مرضية.. كل معاكستها ليها بتكون بريئة أكثر من المتطلبات الإخلاقية لإحتياجات الانسان. وبالذات لو كانت البنت شخصيتها قوية بيكون صعب عليها جدا أنها تحس أنها بتستر في المواقف أكتر من الشخص اللي بتحبه
  • مش ده بهاء !

hqdefault (2)

البنت اللي مرتبطة بولد حساس وكسوف عندها صحاب زي أي بني ادمه تانية. بس أزمتها بقى أنها مش بتعرف تتأقلم مع صحابها وحبيبها موجود. بيقعد كده في ركن في القعدة.. ضامم  رجليه وشفايفه وبيبتسم كالفتاة البتول.. وطبعا صحابها من تحت لتحت يرخموا عليها.. بتبقى الخروجة الكارثية.