يا سلام لو كل حاجة تيجي في دماغنا نعملها بجد مكنش حد غلب – بس ساعات كتير منقدرش و ساعات اكتر مبيكنش عندنا الشجاعة اننا نعمل كده… دي مقارنات بين مواقف بتحصل بس في خيالنا و رد فعلنا الحقيقي:

 

نقاشك مع مديرك او طلباته 1

Capture11

من اكتر المرات اللي بيدور في دماغك موقف نفسك تعمله بجد دايما بيكون مع مديرك في الشغل
في خيالنا
المدير: الاستراتيجية اللي انا حاططها فعلا نجحت و لولا انا فكرت فيها كان زماننا واقعين
انا/الموظف: كفاية بقي, كفاية بقي قرفتنا, عمال تعيد و تزيد فالكلام و احنا اصلا اللي بنعمل شغلك و مش طايقينك
و نسيبله المكان و نمشي و ممكن نكسر حاجة من مكتبه و احنا ماشين
في الحقيقة
المدير: الاستراتيجية اللي انا حاططها فعلا نجحت و لولا انا فكرت فيها كان زماننا واقعين
انا/الموظف: اكيد طبعا احنا مقدرين مجهودك العظيم و استراتيجيتك العبقرية اللي منقدرش نعيش من غيرها
او لما يجي يطلب منك حاجة او شغل احنا مالناش علاقة بيه
في خيالنا
و انا اعمل ده ليه ان شاء الله – هو مكتوب في الجوب ديسكريبشن بتاعي ما تعمله انت
في الحقيقة
عايزه في خلال قد ايه

 

زن اخواتك الصغيرين 2

أهو كيفي كده
أهو كيفي كده
لما بنكون فعلا تعبانين و مش قادرين نتكلم و تلاقي كم من الكلام بيتقال اسرع من سرعة الضوء و المفروض اننا نرد او نسكتهم
في خيالنا
للحظة بتتمني بس لو ممكن تكون بروفيسر سيفيروس سنيب و عندي القدرة اني احولهم لأي حاجة, اي حاجة مبطلعش صوت – و لو بجانب اننا تعبانين و مصدعين كمان متنرفزين, ممكن يجي في خيالنا ردود فعل عنيفة مش اقل من اللي كانت بتحصل في غوانتانامو
في الحقيقة
كفايا زن ارجوكم

 

في السواقة 3

Capture

لو انتي بتسوقي و حد بيكسر عليكي او بيضايقك
في خيالنا
جريت و كسرت عليه و طلعت شومة من شنطة العربية و حسيت نفسي فين ديزل في فيلم و من كتر ما الراجل كان مرعوب – جري بضهره 10 كيلوfast and furious لو اول مرة تروح عند ناس و مكسوف تاكل كتير
في الحقيقة
توب علينا يارب

 

في العزايم 4

548b3a5ee12ea

لو اول مرة تروح عند ناس و مكسوف تاكل كتير
في خيالنا
لا محدش ياكل من الفراخ تاني عشان الباقي ده بتاعي – انا مخدتش من المحشي علي فكرة و كده ميصحش – في كريم كراميل تاني؟ و لو الاكل اتشال من قدامنا ممكن ندخل المطبخ نهجم عليه
في الحقيقة
انا الحمد لله كلت و بطني ع الاخر – بجد كلت كتير

 

عيالك 6

0

لما تكوني خارجة او في محل و فجأه تلاقي ابنك او بنتك او عيالك بيصرخوا و يعيطوا و ياسلام بقي لو انتي مثلا في جاليري و كسروا حاجة من المحل
في خيالنا
اقسم بالله ما ولادي – و تطلعي في ثانية من المحل و تسيبيهم و انتي في قمة سعادتك
في الحقيقة
انتي هاتطلعي برده من المحل – بس هاتخديهم ف ايدك بعد ما صاحب المحل يكون طردك و انتي بتقولي لنفسك الجملة الشهيرة – انا مليش خروج اصلا