بسبب مفاهيم وأفكار كتير غلط اتنقلت لينا مع مرور الوقت، اصبحت كلمة “sexy” مرتبطة في اذهانا كلنا بالشكل وبس من غير اي اعتبارات او حسابات تانية ليها علاقة لا بلشخصية ولا بالطباع، في حين أن “sexy” متعتبرش مجرد مصطلح، ده منهج واسلوب مينفعش يختزل بس في المعنى الحرفي للكلمة، والدليل على كلامي إنك كتير منكم لما قرا عنوان المقال وقرر يدخل يقراه كان متوقع إنه هيلاقي نصايح وخطوات كلها ليها علاقة بالجمال والجاذبية والجسم المثالي، وعشان كدة اول حاجة لازم نتخلص منها هي المفهوم ده اللي خلا البنت الـ “sexy” بالنسبالنا هي صورة طبق الأصل من عارضات الأزياء اللي صورهم بتكون موجودة على أغلفة المجلات.
انهاردة ومن خلال المقال ده هنقولكوا ايه هي الحاجات الحقيقية اللي بتخلي البنت “sexy”.
  1. الثقة بالنفس

171237

الثقة هي مفتاحك الأول عشان تبقي “sexy”، لازم تنمي ثقتك بنفسك وتعرفي ايه هي نقاط قوتك سواء في شكلك أو في شخصيتك وتركزي على إظهارها في تعاملاتك اليومية مع الناس.
  1. الطموح

8559a1133ab07d95364374bf5385f5ce_123505685_147

المرأة الطموحة، اللي عندها اهداف واضحة عايزة توصلها وتحققها، بتعتبر شخصية مميزة وجذابة في عيون الناس، وخصوصاً الرجال، عشان كدة حاولي تحطي تنمي قدراتك ومهاراتك وتحطي قدامك اهداف وتحاولي بكل ما تملكين من قوة الوصول للاهداف دي سواء على الصعيد الشخصي أو العملي.
  1. العاطفة

1384236_10152620344668915_8953366624847458239_n

مشاعرك تعتبر عامل مهم جداً لازم تاخديه بعين الأعتبار، وده لإن احساسك بغيرك وتعاملاتك مع الناس باحترام وحب وعطفك عليهم هما اهم الحاجات اللي هتميزك عن غيرك وهتخلي “sexy” في عيونهم لكن بشخصيتك مش بشكلك.
  1. الطيبة

4d3b74a87386900bf2882435b0025fa1_123511096_147

للاسف الطيبة في ايامنا بقت مرتبطة في اذهانا ارتباط مباشر بالسذاجة وضعف الشخصية وعشان كدة الشخص الطيب ده بقى عملة نادرة، لكن اللي الناس مش فاهمينه إن الطيبة والرحمة دول سلاح قوي جداً بيخلي اي حد يعرفك يحبك ويرتاح في التعامل معاك، ولازم تعرفي انك عمرك ما هتكوني جميلة في عين الناس غير لو حسوا بطيبة قلبك.
  1. الصراحة

46ad07388b74151e48220485ba74b83d_123622270_147

لما تكون البنت واضحة وصريحة، بتتعامل مع الناس بطبيعتها من غير تمثيل أو نفاق، هتفرض على كل الناس احترامها وتقديرها وهتبني جدار من الثقة بينها وبينهم، وعشان كدة لازم تعرفي إنك مهما كنتي جميلة وجذابة عمرك ما هتكوني محبوبة لو كانت واحدة من صفاتك الكذب.
  1. الذكاء

mqdefault

 البنت الذكية دايماً بتكون “sexy” في عيون الرجالة، بتجذبهم وبتلفت انتباهم بشخصيتها وطريقة تفكيرها، فعلى الرغم من إن البنت الجميلة ممكن تلفت نظر أي حد من أول نظرة، إلا إنه من الصعب يفضل الإنبهار ده موجود لو مكانتش ذكية وشخصيتها قوية وبتقدر تتناقش وتتكلم ويبقالها رأي خاص بيها.
لو مكنتيش بتتمتعي بقدر كبير من الجمال عشان تبقي “sexy” بشكلك، لازم تكوني قادرة تعرفي ايه هي مميزاتك التانية ونقاط قوتك اللي تخليكي تقدري تكوني “sexy” بشخصيتك.