بقلم : صفاء احمد

ناس كتير بتكون له أحلام مؤجلة لبعد الجواز بحجة انى عشان استمتع اكتر مع مراتى او جوزى لكن الصدمة اللى ممكن تواجهك أن الإحساس بالحاجة دى ممكن يقلش لظروف مادية او مفيش وقت او فقدان رغبة او هتنشغل بامور تانية .. لو لسه على البر باطمنك أن لسه قدامك فرص كتير لازم تستغلها صح لأن من الأخر لو ما استمتعتش بالحاجات دى لوحدك صدقنى عمرك ما هتستمتع بيها  مع اى حد حتى لو شريك حياتك !

 

1  – السفر

53d967790fafa

إحساس السفر ممتع لأي حد فى الدنيا فا مينفعش خطوة السفر تكون مؤجلة خصوصا الأماكن البعيدة لبراه مصر إن أمكن أو بمعنى اصح عافر شوية عشان تخلق الفرصة سواء بفلوس او وقت وصدقنى لما هيجى الوقت اللى تشارك فيه شريك حياتك السفريات دى هتستمتع أضعاف مضاعفة لأنك هتضرب الأستمتاع فى اثنين وقتها

 

2 بيزنس خاص

capture

مين فينا مش بيحلم يعمل حاجة بيحبها وكمان تجيب فلوس كويسة بس احنا ساعات بنأجل الخطوة دى لما نكون جبنا اخرنا من كل حاجة الفكرة أن البيزنس الخاص عايز مخمخة وروقان مش سهل تلاقيهم بعد الجواز  عشان المسئوليات والكلام اللى احنا عرفينه لو عندك فكرة حتى لو صغيرة ابدء فيها باللى فى ايديك خطوة بخطوة وبشوية تخطيط الموضوع هيكبر ويكون سند ليك فيما بعد جرب مش هتخسر حاجة .

 

3-  العربية

111

بالرغم كتير بيكون مأجل خطوة العربية كأخر خطوة ولو عنده عربية مبيفكرش يغيره عشان الجواز؛ وبعد الجوازبتتلغي الفكرة تقريبا ….الأ انك لو حسبتها شوية هتلاقى انك خلصت من حاجة من حاجة مهمة زى دى كدا ولا كدا الفلوس بتتصرف استفاد بحاجة تنفعك احسن .

 

4- الصحاب

2009a99da830bb857bae5eb8c742f24c_123516067_147

دول بقى استمتع معهم على قد ما تقدر لأن احتمال تتحرم منهم ….هو مش احتمال هو بالتأكيد بس مش عايزة اخضك

 

5- اتعلم حاجة جديدة

11

هو الجواز أكيد مش هيوقف كل حاجة فى الدنيا لكن خلينا نعترف أنه أكيد هياخد من وقتك وتفكيرك غصب عنك عشان كدا من دلوقتى دور على ايه اللى نفسك تتعلمه وابدء اتعلمه (مزيكا – كتابة – رسم – نحت) … الحاجات كتير متزهقش .. لانك لو حطيت ايدك على حاجة بتحب تعملها واتعلمتها كويس ها يديك طاقة أنك تكمل مع شريك حياتك بشكل صح اكتر .

6-   سرعة الحياة

download

 ثوانى كدا شوية عند النقطة دى يعنى ايه ؟!
طبعاً رتم الحياة السريع دلوقتى بيخلى كل حاجة محتاجين ننجزها فى اسرع وقت عشان نعمل غيرها دا جميل .. لكن فى رأي المتواضع من الأفضل انك تتعلم من دلوقتى ازى تبطئ الرتم السريع دا للدنيا خد نفس واتعلم من دلوقتى تستمتع بالحاجات الصغيرة  بروقان اشرب قهوتك باستمتاع اكتر اسمع مزيكا هادئة بص للطبيعة بتأمل اى حاجة بتخلى روحك شابة ..خليها تخد حقها من دلوقتى قبل متاخدك مسئوليات الجواز  !