لأن موقع التواصل الاجتماعى “فيس بوك” ارتبط ارتباط مباشر بكل تفاصيل حياتنا الشخصية وبقى جزء أساسي ومهم منها، فعادي جداً إنك تلاقي نفسك مضطر تحذف بعض الشخصيات من قائمة أصدقاء الـ”facebook” وتحطهم فى الـ “list block” عشان تيتجنب الإزعاج أو التدخل اللي بيتدخلوه في حياتك، وأهم الشخصيات دي جمعنالكوا انهاردة في القائمة دي..

1- مديرك فى الشغل

1

ده مش اوبشن حضرتك، مديرك في الشغل حتماً ولابد تعمله بلوك وفوراً، ده لمصلحتك صدقني، وده عشان متحسش انك متراقب طول الوقت حتى وانت في بيتك.

2- الـ”ex

2

بعد الإنفصال، عادة بكون الحل الأمثل لنسيان الحبيب القديم هو حذفه من قائمة الأصدقاء على الفيسبوك، وده اللي بيعمله كتير مننا تجنباً لأي مواقف مزعجة ممكن يتعرضلها زي إنه يشوف صورة جديدة ليه مع حد تاني أو كومنت مستفز من حد من أصحابه أو حتى أي بوستات تانية.

3- أفراد العيلة الحشريين

3

في بقى شوية ناس كدة من العيلة لازم تعملهم بلوك من غير ما تفكر وهما الشخصيات اللي دايما ً بينتقدوا كل بوستاتك وصورك وأرائك الشخصية اللي بتكتبها على الفيسبوك زي الأب والأم والأخ الأكبر وده عشان تعرف تستمتع بشوية خصوصية من غير ما تضطر تبرر أو تستحمل أى تعليقات سلبية منهم.

4- الزنانين

4

هاى.. إزيك.. عامل إيه.. انت مش بتردى ليه.. رد عليا.. وغيرها من الطرق المزعجة التى بيستخدمها بعض الأصدقاء فى محاولات مستميتة للكلام معاك، حتى لو باين جداً إنك مش مهتم أو مش فاضي أو حتى مش عايز ترد، مبيزهقوش ومبيملوش، وعشان كدة لازم تعملهم بلوك وتريح نفسك من وجع الدماغ.

5- الـ”fake accounts

5

كلنا بنعانى بشكل عام من “إضافات الفيسبوك” اللي من أشخاص مجهولين أو حسابات مش حقيقية فبضطر احياناً كتير إننا نحطهم في الـ”block list” عشان نريح دماغنا منهم ومن إزعاجهم.
طبعا الاريح انك تقفل الفيسبوك او تعمله باسم مختلف عن اسمك الحقيقي عشان تريح مخك من الكلام اللي فوق ده كله