بمجرد ما نسمع أسم “برج الأسد” نقدر تلقائياً نستنتج شخصية أصحابه ونعرف ممكن تكون عاملة إزاي، وده لأنهم بيكتسبوا صفات كتيرة من “ملك الغابة”، اهمها مثلاً مكانة الشخص ده وسط الناس، دايماً هتلاقيه وسط اصحابه هو القائد اللي رأيه دايماً بيمشي على الكل، مش خوف منه ولا عشان هو مسيطر يعني لأ، لكن عشان هو كدة من الشخصيات اللي حضورها بيفرض نفسه على كل اللي حواليها.
وبعيداً بقى عن الصفات الأساسية للبرج اللي كلنا عارفينها، تيجي التفاصيل الصغيرة اللي لازم أى واحدة تفكر ترتبط براجل من البرج ده تكون عارفاها عشان تعرف تكسب قلبه، واللي لخصنهالكوا انهاردة في 6 نصائح لازم تعرفيهم..
1- اديله برستيجه قدام الناس
زى ما كلنا عارفين إن راجل برج الأسد دايماً “برنس فى نفسه كدة”، وإن اهم حاجة بالنسباله هي شكله ومظهره، وعشان كدة لازم دايماً تحسسيه بنفسه وتديله برستيجه خصوصاً قدام الناس، حاولي طول الوقت تمجديه وترضي غروره.
2- خليكي دايماً شيك وأنيقة
لو عايزة تكسبي قلب راجل برج الأسد، لازم تهتمي جداً بنفسك وتكوني دايماً شيك وأنيقة، وده لأنه شخص بيحب المظاهر، بيحب يحس إن البنت اللي معاه “أنثى” بمعنا الكلمة.
3- اوعي تحسسيه إنك ضعيفة الشخصية
لازم طول الوقت يشوف الجانب القوي من شخصيتك ويحس بثقتك في نفسك ويشوف ده في كل تصرفاتك، وده لأن راجل برج الأسد مش بيحب البنت اللي شخصيتها ضعيفة أو اللي بتعتمد عليه في كل حاجة ومبتعرفش تعمل حاجة لوحدها.
4- اهتمي بيه طول الوقت
راجل برج الأسد بيحب يحس إنه محط اهتمام، عشان كدة خليه يستمتع بده طول الوقت، حسسيه إنك بتغيري عليه لكن من غير ما تخنقيه عشان ميزهقش منك وخلي بالك من أدق تفاصيله وحاولي كمان تمدحيه طول الوقت على أي حاجة بيعملها وعبريله عن حبك بطرق مباشرة.
5- حسسيه إنك بتاعته
راجل برج الأسد لازم يحس إن حبيبته دى جزء من ممتلكاته الخاصة، زي ما بيقولوا كدة “بتاعته”، ليه كامل السيطرة عليها، وعلى الرغم من إنه شخصية متحكمة بطبعه، إلا إنك مش هتلاقي فى طيبته وحنيته، ده غير إنه رومانسي جداً، من الأخر يعني لو عرفتي تخليه يحبك يبقى ضمنتي إنك تعيشي ملكة.
6- لو غلطى إعتذرى فوراً
