مفيش شك إن إنهاء اي علاقة حب هي عملية مرهقة جداً ومؤلمة للطرفين، حتي لو كان اللي ظاهر للناس انه الطرفين اقوياء وبيتعايشوا، ومن خلال تجارب أصحابي  اللي قرورا الإرتباط وبعدها قرورا انهم يفركشوا، كانت دي الأسباب ..اقراهم واعرفهم …تجنبا لأي فركشة او عشان تعرف امتي اللمبة الحمرا بتنور وتحذرك بانهاء العلاقة دي …

 

التقدير

التقدير

المقولة الأشهر  لسواقين الميكروباصات “التقدير خسرنا كتير” هو ده بالظبط سبب من أسباب انك تنهي العلاقة يعني لو شخص اللي قدامك مقدرش اهتمامك ووجودك يبقي بلاش احسن.

 

الإهمال

الاهمال

ممكن يكون أكبر  أسباب الإنفصال هو الإهمال، انك تلاقي الشخص اللي معاك قرر ان وجودك زي عدمه، مبيفكرش يهتم بيك او بحياتك او يعرف تفاصيل يومك أو يطمئن عليك

 

عدم التفاهم

عدم التفاهم

 

ده ممكن يقلب بلد بحالها، كون ان الطرفين مش متفاهمين مع بعض، ومش قادرين يبقوا متفقين على حاجة واحدة ، او يحلوا مشاكلهم  فلازم العلاقة تنهار وتقع.

 

البرود العاطفي

البرود العاطفي

هو  ان طرف من أطراف العلاقة معندوش مشاعر للتاني، وده بيكون واضح في الكلام والنظرات بتتغير والأفعال بتقل.

 

الاستنزاف

التفاهم

 فيه علاقة كل موازينها بتبقي مايلة طرف بيدي و بيزق العلاقة كلها و التاني بيستنزف وجوده و طاقته و مشاعره من غير ما يدي ، عشان الطرف الأول كان متخيل انه لما يدي هيتقدر انما الطرف التاني اتعامل ان سبيب الاهتمام دا for granted مضمون و أساسي و مش محتاج تقدير ولا بذل ف المقابل، أي علاقة فيها طرف نهم بياخد بس وفي الاخر بيسبنا مطفيين و منهكين ، لازم تنهي اي علاقة بتطفيك و مبتدكش.

 

السيطرة

السيطرة

فيه علاقة بتبقي زي حلبة المصارعة كل طرف عايز التاني يبقي على قد القالب و الفراغ اللى صنعهوله، كل طرف بيروض التاني انه يبقي شبه الصورة الخيالية اللى رسمها للشريك، أنا مكنتش معاك و انت بترسمها و مش مجبر اكون شبه الفيلم ابو نهاية سعيدة اللى في دماغك علاقة زي كدا لازم تنتهي لان اساس العلاقة قبول الآخر رغم ماهو عليه مش اعادة تشكيله.

 

الثقة والأمان

الثقة

في اعتقادي الشخصي ان الإتنين حاجة واحدة، اليوم اللي هيبقي صعب تثق في الشخص اللي قدامك لانه كداب او خاين او مقدرش يحافظ على الثقة اللي انت خصته بيها، لازم تنهي العلاقة دي.