زمان كان الشنب موضه والستات والبنات ماكانوش بيعجبوا براجل الا لو كان بشنب بعدها طلعت السكسوكه وبعدها الشعر الطويل بعدها بقى القرع طلعوا موضه شويتين ورجعت تاني البونيتيل تغزوا وبقوه ، النضاره النظر قعدت كام سنه موضه
ومابين البونيتيل والقرع والحلاقه الزيرو فضلت الدقن دايما موضه حلوة سكسي جميله كانت ولازالت تضعف قلوب البنات العذارى والبنات الناضجه وكل انواع البنات وخاصة بعد ما المسلسلات التركى غزت الوطن العربي وقلبت موازين ومعايير الوسامه والجمال للستات وللرجاله ..الرجاله كلها بقت تربي دقنها ومافيش واحد دلوقتى من غيرها وزي ما انا دايما بقول ” والراجل ايه غير استغفر الله العظيم دقن حلوة “

1-   سكسى غامض مفكر كاتب

الدقن

الدقن الحلوة المتظبطه بتخلي اى راجل شكله يبدوا عليه انه سكسي وغامض عامل فيها كاتب ومفكر او موسيقى او اى حاجه من بتوع الناس المبدعه دى والغموض عامتا بيخلى البنت تعجب بيك مابالك بقى لو غامض وبدقن حلوة .

 

2-   شاب ناضح

احمد حاتم1

الدقن بتخلى ملامح الراجل اكبر وانضج يعنى لو راجل في العشرينات الدقن هتخلى شكلك تلاتيناتى ولو تلاتيناتى هتبقى اربعيناتى ولو من غيرها هتبان انك عيل عندك 15 سنه فالدقن بتدى سن اكبر وبالتالى بتوحى بالنضح والوقار واخد بالك من توحى دى .

3-   حلوة فالبوس

48495_Details

اظن الجمله شارحه نفسها ومش عايزين نفسر اكتر من كده عشان دى اعراض شباب ولكن نفسيا الدقن حلوة فالبوس .

 

4-   قوة

1400005692643

الدقن توحى للنساء بالقوه قال يعنى الراجل ده قوى وحمش كده ودى من الحاجات اللى الستات بتحبها والذقن عامل مهم جدا فى الايحاء بقوة الراجل وقلبه الميت  .

 

5-   ملمسها صلح

Msaour-Qatel_8

الراجل اللي بدقن بيوفر كتير على البنت لما تيجي تصالحه فلو لمست بس دقنه وقالتله سورى خلاص كده راح هو فملكوت تانى فنقدر نعتبر ان لمس الدقن او الطبطبه عالدقن طريقه واسلوب للصلح .

 

6-   شياكه

احمد مجدى

ارتبطت الشياكه والموضه اليومين دول بالدقن فجزء من تقييم البنت للولد اليومين دول الدقن فطالاما بدقن تبقى شيك في نفسك ومهتم بنفسك مع ان الدقن اصلا للناس اللي معندهاش وقت تحلق ومكبره دماغها بس تقول ايه بقى فالموضه .

7-   التدين

566

الدقن بتدى بردوا ايحاء انك متدين كده وبتاع ربنا واحنا كلنا بنتشعبط فالدقن الحلوه ورضا ربنا .