بعد اما تنفصل نهائيا من الحياة الدراسية و تنال بقى حريتك (المؤقتة ) من الامتحانات و ال researches بيبقى عندك توهان و عدم فهم للطاقة اللى عماله تخبط فى راسك انك تنزل تشتغل و تبتدي حياتك المهنية قبل ما تقع و تتزحلق فى الغويط ليك عندى7 نصايح عشان تعيش تجربة احسن من اللى ان عشتها :

 

١- حاول اول حاجة تعملها بعد التخرج  انك تاخد اجازة عادي كانها اجازة اخر السنة يعنى خدلك ٣ شهور كدة راحة و ياريت لو تسافر و ياربت لو بره مصر( ده لو ظروفك تسمح طبعا) السفر هيخليك تفكر بشكل اكثر عمقا و إلماما بـ بمستقبلك ال انت داخل عليه عشان و الله يا ابنى التسرع وحش.

285045

 

٢- لو مش هتسافر خد برضة الاجازة اوعى تشتغل على طول اول اما تتخرج ريح دماغك شويه ان شاء الله حتى تفضل ال ٣ شهور نايم بس بلاش من الدار للنار ده.

gallery_people playing playstation move

 

٣-اوعى تجوز /تجوزى الجواز مش هيطير يا جماعة بس ال career  و تكوين النفس بيطيرو و ده الاهم فى الجواز و اوعى تفتكر ان فيه حاحة اسمها تكوين النفس و الكلام ده بعد الجواز الكلام ده بيتبخر بعد اول طفل اللي بيجي بزن الاهل طبعا هتلاقى نفسك بتختار الشغلانة المضمونة ماديا بغض النظر انت مبسوط بقى و لا لا و بمناسبة الشغلانة نروح لرقم ٤.

maxresdefault

 

٤- ابتعد عن فخ الشغلانة قصيرة المدى ،و هى الشغلانات اللى اى fresh grad بيشتغلها سواء call center او salesman الشغلانات دي بتوفرلك فلوس كويسة فى الاول بس ملهاش مستقبل -غير طبعا لو عرفت تظبط نفسك انك تبقى فى ال HR department بتاع الشركة -و هتلاقى اللى شاغلين فيها بقالهم ١٢ سنة بيقولوا نفس الكلام بس هما وقعوا فى فخها و اتسحروا بوهم الاستقرار و الكلام ده فانت من الاخر خوض تجربتها بس اهرب منها بسرعة قبل ما تتسجن فيها.

no_call_center

 

٥-لو فيه فى دماغك انك تاخد ماجستبير او دبلومة ف ابدا بده الاول – طبعا بعد الشهر الاجازة اللى احنا متفقين عليه – لان لو استنيت كتير مخك بيصدى و بيقي تقيل.على المذاكرة فحاول تخلص من ده الاول.

20140703_150705_7165

 

٦- لو فيه هواية معينة كان نفسك تنميها و مكنتش لاقى وقت ايام الدارسة ف ابدا فيها لان ده وقتها ،وقت العشربنات ده اجمل وقت تعمل فيه ال انت عايزه قبل صرامة و جدية التلاتينات ،فشوف بقى لو كنت عايز تتعلم الة موسيقية او التصوير …الخ.

Portrait of smiling woman painting at easel

 

٧-بعد اجازتك و سواء قررت تشتغل حاجة موقتة او تتدرس نمي نفسك بقى فى المجال الاساسى اللى انت نفسك توصلوا هو مش جو تنمية بشرية بس هى البلد دى كدة مش اول اما اتخرج هلاقى المجال اللى انا عايزه فتحلى دراعته لو هو فى الغالب بيضربنى بالقلم بس انا هفضل انمى نفسى و اركز اكتر لحد ما اوصل.

20160120-385

و فى النهاية احب اكد ان ظروف كل شخص هتختلف عن التانى و ان ممكن النصايح دي متناسبش كل الناس بس اللى متاكدة منه انها بتخليك تتجنب تكديرات كتير فى حياتك و على راي المثل اللى متخرج قبلك بيوم يعرف عنك بسنة.