الناس اللي مش بتابع المسلسلات سواء العربية أو الأجنبية. ميعرفوش أن الناس اللي بتتفرج على المسلسلات ووصلت لمرحلة الإدمان. بقوا مجتمع متفاهم ضمنياً وبيعرفوا بعض من بعيد..  ودايماً تلاقي حاجات مشتركة بينهم بيعانوا منها أو بيستمتعوا بيها. ودي أكتر الحاجات المشتركة بين مدمنين المسلسلات.

عليا الطلاح أنت اتخضيت

1

ودي من الحاجات اللي بيعاني منها محبي المسلسلات. لما المؤلف يكون قلبه ميت. وسيبك على مدار موسم كامل من المسلسل تتعلق بشخصية في المسلسل. وهو يفضل يبني لها مستقبل وتحس أن هو ده برنس السيزونات القادمة.. ويقوم جي في لحظة واحدة وبدم بارد يقتل الشخص ده؛ لعبة العروش ستايل. دايماً بتخيل المؤلف قاعد في البيت يوم عرض الحلقة دي بالبوكسر وبيضحك ضحكات شيطانية ؛ ونوس ستايل

 

  • وأترجم وأنا ساكت ليه.. هو انا غريب

2

اللي بيتفرج على مسلسلات كتير مترجمة وبينزلها من على النت. بعد فترة بيبتدي يتعرف على المترجمين بأساميهم الغريبة زي “ذو القروح” و”أبو سارة” وبراد بيت الشرق. وبعد وقت المترجم كمان بيحس بألفه تجاة اللي بيتفرج وبيبدأ يوجه لهم كلام بره الترجمة.. يعني تحت سطر الترجمة كده يكتب لك تفسيره للموقف. وفي نوع مؤذي يحرق لك حاجة هتحصل بعد كده. وفي نوع خفيف.. يترجم السطر.. ويرمي سطر تحتيه افيه بلون مختلف.
  • الطريق بلا عودة

12631396_10153902759738114_205056629181066982_n

لازم تعرف كويس أن الشخص مدمن المسلسلات. الادمان ده مش كلمة مجازيه. هو فعلا مجرد ما يبدأ الحلقة الأولى من أي مسلسل يكون نزل منه 10 مواسم ولا حاجة. الموضوع بيخرج من ايده. والعمر بيمر قدام عينه وهو قاعدة بيحرق له في اليوم بالعشر والـ15 حلقة.
  • هذا تلفاز جيد

good tv

 ودي من الحاجات الممتعة في المسلسلات.. لما الحلقة تقفل على حاجة حلوة جدا جدا.. وتبقى قاعد بتفرك مش قادر تهمد على ما الحلقة الجديدة تنزل.. والإحتمالات إللي ممكن تحصل تبقى عماله تروح وتيجي على دماغك. تفتكر رد فعل تشاندلر في مسلسل فريندز لما كان جوي بيحكي له أحداث المسلسل اللي بيمثل فيه.. وده ياخدنا للنقطة اللي بعد كده
  • لغات خاصة

images

الناس اللي بتتفرج على مسلسلات معمرة زي فريندز.. يعني كل ما تخلص تيعدها وتتفرج عليها تاني.. بتحس أن في بينهم لغة خاصة مستوحاة من افيهات المسلسل محدش يقدر يفهمها غيرهم.. يعني الافيه اللي فات ده لعشاق فريندز بس
  • ماما.. مفيش حلقات تاني؟؟؟!!

015_Asef_Ala_El_Ezaag_DVDRip_X264_AC3_BY_tamerco

في لحظة صعبة جداً بتمر على مدمن المسلسلات.. وهي لما يعيش له شهرين ولا تلاتة بيتفرج يوميا على مسلسل واحد ويحس انه خلاص بقى واحد من المسلسل وخد على الابطال والابطال خدوا عليه وتيجي اللحظة الصعبة الأليمة اللي المسلسل بيخلص فيه. ويحس الانسان أنه مش عارف يعمل ايه في حياته بعد اللحظة دي ويحس انه تايه لحد ما مسلسل تاني ياخده بالحضن.
  • هادمين اللذات

almastba.com_1427783233_898

أكبر معاناة بيعشها مدمنين المسلسلات الاجنبي.. هي لما يكون في مسلسل تريند جدا وحلقاته بتنزل كل اسبوع وبتكون مستنياها.. وتدخل على الفيسبوك تلاقي حد مؤذي منزل صورة من الحلقة ويقوم حارق لك الحلقة كلها اللي انت لسه مشوفتها. وفتحس أن حد دب قبضة ايده في صدرك وكسر قفصك الصدري وقام عاصر في قلبك. ويبقى عندك فوبيا من دخول الفيسبوك اساسا لما الحلقة الجديدة تنزل. وتدخل الفيسبوك تتسحب وانت بتسكرول داون .
  • Ahmed Hesham

    بتحكي حياتي و ربنا 😂