كلنا طبعاً عارفين دور الأم في تربية ورعاية أولادها، الفطرة اللي ربنا خلقها بيها، الحنان والحب الموجودين في كل الأمهات باختلاف طريقة تعبيرهم عنها، لكن ساعات كدة بنلاحظ إن فيه أمهات بتتعامل مع أولادها بطريقة مختلفة، بتصاحبهم وبتقرب منهم وكإنها من سنهم، وعادة بنلاقي ده أكتر في علاقة الأم ببناتها، وخصوصاً لو كان فرق السن بينهم مش كبير قوي، والعلاقة دي بيكون ليها شكل مختلف بتفاصيل مختلفة.
انهاردة هنقولك شوية علامات كدة لو كانت موجودة في علاقتك بمامتك، اعرفي إنك عندك أم “cool” وروشة تنفع تبقى صاحبتك 😉
  1. اصحابك بيحبوها وبيحسدوكي عليها

%d9%83%d8%b1%d9%8a%d9%85%d8%a9-%d9%85%d8%ae%d8%aa%d8%a7%d8%b1

النوع ده من الأمهات بيكون محبوب جداً من كل أصحاب بنتها وبيحبوا يقعدوا ويتكلموا معاها وياخدوا رأيها في حاجات كتير في حياتهم من غير ما يحسوا إنهم محرجين أو مش واخدين راحتهم في الكلام معاها.
  1. بتقدري تحكيلها كل حاجة

45311106qt5

لما تكوني معجبة بشخص أو في حد في حياتك وتلاقي نفسك مش مكسوفة تحكي لمامتك، بالعكس نفسك تحكيلها وتاخدي رأيها ونصيحتها، يبقى أكيد مامتك مش من النوع التقليدي.
  1. بتعملوا شوبينج مع بعض

resize

حاجة كمان مش هتلاقيها غير في النوع ده من الأمهات، هي إن زوقك وزوقها بيكونوا قريبين جداً من بعض، وده بيخليكوا تنزلوا تعملوا شوبينج مع بعض وممكن كمان تلبسوا سوا نفس اللبس لإن ستايلكوا تقريباً بيكون واحد.
  1. أول حد بتروحيله وانتي مضايقة

6709631311

معظم البنات لما بيكونوا زعلانين أو مضايقين من حاجة بيجروا يكلموا أقرب صاحبة ليهم يحكولها ويفضفضوا معاها، لكن البنت اللي مامتها بتكون صاحبتها، بتختارها هي عشان تحكيلها وتتكلم معاها وتلاقي حل للمشكلة اللي مضايقاها، وده لإن محدش هيفهمها وهيحس بيها قدها.
  1. ممكن تخرجوا سوا

182670

بما إن مامتك صاحبتك، يبقى أكيد تقدري تخرجي معاها وانتي مبسوطة ومستمتعة مش حاسة انك متقيدة أو مجبرة على وجودها معاكي في خروجاتك مع اصحابك، ده بالعكس تماماً انتي ممكن تاخدها وتخرجوا انتي وهي لوحدكوا كمان.
  1. الاتصال بيها مش واجب

hqdefault

مامتك لو كانت قريبة منك، مش هتحسي إن المكالمات بينكوا تقليدية، اللي هو “انتي فين؟”، “جاية امتى؟”، خلصتي ولا لسة؟، “هتروحي أمتى؟”، بالعكس تماماً ده انتي هتلاقي نفسك بتعملي معاها شات طول الوقت لو انتي برة البيت وبتتكلمي معاها في تفاصيل كتير قوي سواء كانت مهمة أو مش مهمة، المهم تفضلوا طول اليوم بتتكلموا.
  1. بتدعم قراراتك وبتديكي نصايح

images

طبعاً بعد كل ده معندكيش شك أنها هتكون دايما موجودة وقت ما تحتاجيلها، هتلاقيها أول واحدة جنبك بتدعمك وقت ضعفك وبتساعدك تاخدي قراراتك وبتديكي نصايح، من الأخر يعني واقفة في ضهرك طول الوقت.