كتب : أحمد زكي 

من أصعب الحاجات اللي ممكن تواجه أي بنت في حياتها هي أنها تقدر تحدد أن الشخص ده بيحبها ولا بيعتبرها مجرد صديقة أو زميلة، وبما إن مفيش حد دلوقتي بيصارح بحقيقة مشاعره، فأنتي هتدورلي على علامات معينة بتدل على أنه مهتم بيكي وشايفك أكتر من مجرد صديقة. وبصفتي شاب، فأنا هنا هساعد البنات وهقولها على الحركات اللي معظمنا كرجالة بنعملها لما نحب نبين اهتمامنا ببنت، أغلب الحركات دي ممكن تكون غامضة وغير ملحوظة، بس هي دي طريقتنا المفضلة بدل ما “نُكُب” مشاعرنا عليكم مرة واحدة!

 

1- لو وعدك بحاجة ونفذها

5454

لو الراجل وعدك بحاجة ونفذها، اعرفي على طول أنه مهتم بيكي، ولو هو مهتم بيكي أوي هتلاقيه حريص أنه ميفوتش أي فرصة يقدر يشوفك فيها … يعني لو بدأتي تشوفيه في أماكن كتير فجأة، اعرفي أن دي مش صدفة.

 

2- بنبقى مؤدبين زيادة عن اللزوم:

2121212

لو الراجل مهتم بيكي، هتلاقيه بيوصلك صورة محترمة أوي عن نفسه، الصورة اللي تخلي أهلك يشوفوه شاب زي الفل، وهتلاقيه كمان بيعاملك بطريقة أحسن من اللي بيتعامل بيها مع أي حد تاني، حتى أقرب صحابه.

 

3- هيفتح معاكي الكلام:

Untitled-1

الراجل لما بيهتم ببنت هو اللي بيفتح معاها الكلام غالباً، حتى لو مفيش حاجة تتكلموا فيها، يعني لو فجأة كلمك وقالك أنتي بتاكلي ايه دلوقتي، فده معناه أنه عايز يقولك “أنا عايز أتكلم معاكي وبقول أي كلام عشان أفتح السكة”، ولما الكلام بيمشي كويس هتلاقيه بيكلم في حاجات مهمة وتفاصيل شخصية أكتر، وكل ما يحاول يفتح معاكي حوارات أكتر، كل ما يدل على أنه مهتم بيكي أكتر.

 

4- هيجاملك:

31
دي طريقتنا في التعبير عن اهتمامنا بالمرأة من غير ما نصرح بمشاعرنا بطريقة مباشرة. الراجل لو معجب بيكي وجواه مشاعر من ناحيتك هيحاول يجاملك على قد ما يقدر.

 

5- هيحاول يكتشف الحاجات المشتركة بينكم

21

لو الراجل مهتم بيكي هيحاول يظهر الحاجات المشتركة بينك وبينه ويتناقش معاكي فيها، دي بتبقى طريقة بنستخدمها عشان نعرف تفاصيل شخصية أكتر عن البنت اللي بنحبها.

 

6- هيغرقك لايكات على الفيسبوك:

Illustration - Several "Like" buttons are pictured next to the logo of the social networking service Facebook on 8 July 2011. Photo: Berliner Verlag/S.Steinach

بمجرد تحطي صورة جديدة على فيسبوك، هتلاقيه أول واحد عملك لايك حتى  لو الصورة وحشة، ولو كتب كومنت يبقى مهتم أكتر!

 

7- هيبقي كريم معاكي :

312

لما الراجل يحب بنت، هيبقى عنده استعداد أكتر أنه يبسطها باي شكل… يعني لو قعدتوا مع بعض في كافيه هو اللي هيحاسب، أو لو دخلتوا سينما هو اللي بيدفع تمن التذاكر،لو عارف انك بتحبي الاكل هيعزمك علي اكل طول الوقت ؛ اكيد يبقى الواد ده شاريكي وبيحاول يثبت لك باي شكل .

 

دي العلامات اللي من وجهة نظرنا بتدل على أنه شايفك أكتر من مجرد صديقة، لو عندكم علامات تانية متبخلوش علينا في التعليقات.