معظم البنات بتقع في الفخ الأسئلة دي، هو مش تتطفل بس هي طبيعة البنت انها تهتم بكل التفاصيل فعشان تستمر العلاقة حاولي تبعدي عن الأسئلة دي:

 

انا ولا القهوة

انا ولا القهوة

ماينفعش تقارني نفسك بالقهوة ده لغز  من أصعب الألغاز اللي محدش  قدر  يفكها، بس القهوة بالنسبة له هي الملاذ، والحضن لما هرب من الدرس، والإنبساط لما مايكونش معه فلوس، الاستاد والجمهور والاستديو تحليلي ومعلق قبل اي ماتش

 

بتحبني ولا

بتحبني ولا

ده السؤال الدائم للبنت ، السؤال فعلا بيضايقه لان لو مش بيحبك اللي هيخليه يفضل معك.

 

هتيجي تخطبني امتي

هتيجي تخطبني امتي

هو سؤال سخيف – بس الحقيقة هو مهم – الفكرة ان الولاد بتفتكر السؤال ده نوع من أنواع الضغط عليهم، زي جملة “انا جايلي عريس” بيحس وقته بالعجز ان مش قادر يحقق حلمكوا مع بعض

 

انت كنت فين ومين معك

كنت فين

أهم الأسئلة المخابراتية الفضولية للبنت، و أهم ركن من أركان الخناق عند الولد لانه بيكون عايز  مساحة خاصة به،

 

مابتردش على تليفونك ليه

مبتردش على التليفون ليه

السؤال ده سخيف عموما لأي حد، لان ممكن يكون مسمعش الموبايل اصلا، او مش قادر يرد عشان مشغول أو تعبان او ظرف من الظروف.

 

هو مين اللي بيلعب  

مين اللي بيعلب

اي سؤال في الكورة وقت الماتش هيضايقه وهيخرجه عن تركيزه ويتعصب وممكن تفركشوا عشان خرجته بره المود الماتش او ضيعتي عليه  لقطة مهمة في الماتش

 

تكرار سؤال مالك

download

طبيعة الولاد مش زي البنات، لو سألته مرة واحدة مالك وقال مفيش او عادي يبقي فعلا عادي وفي موده الطبيعي بس تكرار السؤال مالك بيضايق الولد لانه عموما مش بيحب الزن

 

وعشان نتجنب اي زعل أو مشاكل بسبب الأسئلة دي، من الأفضل انك تتأقلم على وضعه وعلى عاداته واستايل حياته، لو بيحب الكورة وبيركز معها حاول تتجنب الخروج معه وقت الماتس او الكلام معه لو انتي مش فاهمة فيها، لو بيحبك هيستمر معك  لو مش بيحبك او مش حابب يكمل معك هيقولك فبلاش سؤال بتحبني ولا