معظم الأغاني بدور عن الحب والعشق والفراق والجرح وغدر الصحاب وقليل لما تلاقي اغنية اتكلمت عن مشكلة او قضية بعينها، وفي وسط الأغاني القليلة دي في ناس كتبت ولحنت أغاني بتتكلم عن مشاكل الستات ومن اشهرها الأغاني دي:

 

في حاجات

من الأغاني اللي أثرت في وجدان كتير من ستات البيوت، لانها لعبت على مشاعرهم بشكل كبير، وعلى الحالة الملل اللي بتحصل بعد الجواز  واتكلمت عن حاجات اللي ستات او البنات بتخاف تتطلبها او تتكلم عنها، كلمات الأغنية بتقول ” فى حاجات تتحس ومتتقالش.. توجع فى القلب ومبتبانش..وأفضل على طول تعبانة مابين طب أقولك ولا ما أقولكش”

 

ام الجاكيت

“خمنتك شاب يا مدموازيل، لا تواخذيني، باردون باردون”، أغنية لمشروع ليلي ومن الأغاني اللي ليها شعبية كبيرة بين جمهور مشروع ليلي، والأغنية بتتكلم عن نظرة المجتمع للبنت المسترجلة اللي قصت شعرها ألاجارسون، ورفضت التقيد بالملابس النسائية او رفضت جنسها كبنت.

إلى البنت السهرانة

من أكتر الأغاني اللي بتتكلم عن حياة البنت خاصة في المرحلة اللي قبل نوم– الفقرة المعروفة لأي بنت عيط وعيط متواصل” مع ان اللي كاتب الكلام “عمرو حسن” إلا انه قدر  يوصف حالة الضيق والخناقة اللي بتوصل بيهم البنت في أخر الليل وبيقول : ” إلى البنت اللي فـي عيونها، دموع شايلة وجع وحنين، إلى الصاحية على سريرها، تعاتب أهلها النايمين”

هاعمل الصح وهشرب حشيش

من الأغاني اللي انتشرت وكانت Trend علي سوشيال ميديا في الفترة اللي نزلت فيها، الأغنية بتتكلم عن الضغوط اللي بتتعرض لها البنت من جانب أهلها وتقيدها بالعادات والتقاليد الخاصة ”  وبتقول “ستي قالتلي البنات بيلبسوا فساتين .. أمي قالتلي البنات ما يلعبوش ف الطين وخالتي التي ترتدي الخمار، قالتلي غني براحتك بس هتروحي النار ، بس أنا أبويا ماقاليش، فأنا هعمل الصح، وهشرب حشيش.”

 

أكتبلك تعهد

” ممكن تسيبني .. أشتري عمري اللي باقي قول بكام .. مش عايزة اعيشه ..معاك عشان لو عشته كله جراح حرام” فكرة الخلاص من الحب والحياة اللي كله إهانة ووجع بأي تمن

 

قولوا لابوها

من الأغاني اللي بتهاجم الفكر الذكوري عموما، وخاصة علاقة الأب بالبنت لو مبنية علي العادات والتقاليد العقيمة وبتقول ” قولوا لأبوها ابكي على الوكسة ..مكسورة بإيدك والدموع ع الفَرشة”

 

الخرافة

“حين كنا .. في الكتاتيب صغارا .. درسونا  .. ركب المرأة عورة  .. ضحكة المرأة عورة .. صوتها – من خلف ثقب الباب – عورة”  الخرافة من أشعار  نزار القباني واللي بيتكلم عن نظرة المجتمع للمرأة بانه عور وانه خلقت للجنس والسرير .

فلو انت من نوع اللي بتحب تسمع أغاني جديدة ومختلفة الأغاني  دي بالإضافة لكلماتها المختلفة إلا الموسيقي كمان حلو ومختلفة