في حياتنا اليومية بنصطر نتعامل مع أنماط كتير من الشخصيات منها اللي هتسيب تأثير إيجابي وتخلي الدنيا حلوة على راي نانسي عجرم وفي شخصيات هتسيب تأثير سلبي لدرجة انك تقرري متتعاملش معها تاني ومنها الشخصيات دي:
النكدي
“لمصلحتك انت” ابعد عن الكائن دي، لو انت مبسوط وعايز تشاركه فرحتك هتلاقيه بينكد عليك و فرحتك بتضيع قصدك عينك لو مضايق وروحت له هيسود عيشتك فمن قصيرها اقطعي علاقتك به
الحشري
يعني لكل طرف المساحة بتاعته ؛ المساحات هي سر نجاح اي علاقة سواء صداقة او حب ؛ الحشري مبيحترمش الخصوصية
بتاع حوارات
هو كائن مسلي في بعض الأحيان، إضافة التفاصيل للحدث اللي بيحكيه بيطلعه بشكل تاني ده لو في حدث حصل من الأساس، ولكن عمره ماهيقول الحقيقة اللي هي أساس أي علاقة سواء حب او صداقة
اللي بيتكلم من ورا ضهرك
لما تتأكد ان الطرف اللي معك بيتكلم عليك من ورا ضهرك ابعد عنه فورا، لانه وقعت مع أكبر منافق وعمره ما هيكون رفيق في طريق او شريك تكمل حياتك
دراما كوين
وفي رواية أخرى “الأوفر” ، شخصية غير ناضجه ويتسم بتهويله للأمور واعطائها أكبر من حجمها الطبيعى بمراحل كبيره و فتلاقيه بيعظم التافه ويسفه العظيم .
اللي مش بيحافظ على الأسرار
وليه تعريف تاني اسمه “الخاين”، وده الكائن اللي يستحسن متتعرفش عليه من البداية، لانك هتكون جٌرسة للرايح واللي جاي ، الناس اللي اتعرفك ومتعرفكش عارفة عنك كل حاجة.
ده غير اللي قلبه على لسانه، صاحب الكلام الدبش، او بيرمي كلام دبش ده غالبا مبيفكرش قبل ما يتكلم، ممكن يكون كلامه صح جدا بس اختياره للكلمات المناسبة غلط جدا ويوصل انه يجرح اللي قدامه
