بما ان المصريين بيتقال عليهم شعب دمه خفيف وبما ان المصريين مابيضحكهمش اى حاجه هنقولك هنا ليه بنات سوبر مان من اكتر المسلسلات اللى بتضحكنا السنه دى في رمضان .
1- بنات الهيرو سي سوبر مان
فكره اصلا اننا نتخيل ان فيه بنات لسوبر مان وكمان مصريين فكره كوميديه جدا ولاننا شعب متدين بطبعه طلعنا سوبر مان لاول مره في تاريخه من غير ملابسه الداخليه اللى كان بيلبسهالنا خارجيا وطبعا التاتش المصري هنا غالب وغلاب .
ما بالك بقى لما بنات سوبر مان يبقوا فحلاوه شيري عادل ويسرا اللوزى وريهام حجاج
2 – اقدم مهنه فالتاريخ “القرناء”
فكره اللعب عن شغلانه الكباريه والراجل القرني اسما وفعلا هى ماده ضحك مكانش حد هيقدر فعلا يعملها بالحلاوه دى زى الفنان بيومى فؤاد الراجل ابو دم خفيف اللي بتضحك على شكل لبسه وباروكته
مزج هذه المهنه الغير اخلاقيه بالتاتش الديني الاخلاقى هى كمان فكره تضمنلك الضحك وده بيظهر في افيهاته اللى بيحاول فيها الانبساط بالدنيا وبسط الزباين وتامينه للشكل الجتماعى الدينى المتدين اللى مايعرفش عنه اى حاجه .
3- الحوار البسيط المسخره
المسلسل قايم على الحوار السلس البسيط الساخر اللى يضمنلك انك تقريبا هتضحك على اكتر من نص الحلقه عارف ان الضحك الللى مابتاخدش بالك منه ده هما بيعملوه كده هلس منظم مقنن فى سياق الدراما .
4- شنب بيومى فؤاد
شنب بيومى فؤاد من الحاجات اللي اول ما هاتشوفها هتضحك من غير ما ينطق ولا كلمه ؛ الشنب اللى كل الممثلين بيخافوا يعملوه سواء في دور زي قرني او في دور مشابه ليه ..كلمة السر فالشنب .
5- الساسبينس والمؤخذه الاثاره
الناس اتفرجت على بنات سوبر مان على اساس انه مسلسل اكشن افيشات واعلانات المسلسل لبنات لابسين خارقات فكانوا متخيلين انهم هيشوفوا 3 مزز بيتنططوا على الحيط واكتشوا العكس والصدمه لوحدها فاللى غير متوقع دايما ضحك .
6- المواهب الخارقه مش الخارئه
المصريين ممكن يضحكوا على اى حاجه دمها خفيف مابالك لو 3 مزز واحده بتقرا الافكار والتانيه بتتوقع المستقبل والتالته بتحرك اى حاجه من على بعد ، 3 قوى خارقه لو موجودين في مصر فعلا هيتسرق بيهم بنوك ويتحرق بيهم افكار كل المسلسلات ويتاكل منهم عيش للصبح وكل بيوت الدعاره هتعيش في سلام وامان .
7- هز الثوابت
