أوقات لازم يكون عندنا الشجاعة عشان نبدا علاقة جديدة مع ناس، وفي نفس الشجاعة ويمكن أكتر كمان لازم تكون موجود واحنا بنقرر ننهي اي علاقة انتهت وبعد النهاية بنعقد نسأل نفسنا ايه سبب فشل العلاقة وبتكون الاجابات مختلفة، بس لو انتي لسه في علاقة وحاسة انها فيها حاجة غلط دول 8 علامات بيوضحوا ان علاقة ناجحة أو لا

 

الثقة بينكما معدومة

الثقة

تبادل الثقة بين الطرفين في أي علاقة سواء صحوبية أوعلاقة حب هي السبب الأهم في استمرار العلاقة ولكن لو الثقة انعدمت بين الطرفين، لازم تراجعوا نفسكوا وتحلوها، وانعدام الثقة بيظهر في الأسئلة زي كنت فين ومع مين، التفتيش في التليفون والتنصت على التليفون وبتواصل كمان للمراقبة على الفيسبوك.

 

مشاكل طوال الوقت

مشاكل طول

 او بمعني  تاني “عايشين في نكد” اي حاجة بتتقال او بتتعمل بتثير غضب الطرف التاني، ويتسبب في عمل مشكلة كبير، وفي كل مرة لما تحصل فيها المشكلة محدش فيكوا بيقرر يعتذر  للتاني، او يبدأ بالمصالحة، والمشاكل اللي طوال الوقت دي بتتعب الأعصاب وبتقلل التركيز و في أحيانا بتوصل لضعف الشخصية بتضطر تسمع وتنفذ الكلام تجنبا للنكد.

 

الفراغ

الفراغ

مهم كنتوا بتقضوا وقت مع بعض، وبتتكلموا كتير بس بمجرد تبعدوا عن بعض بيحصل فراغ وده مؤشر انك العلاقة فيها حاجة غلط، لان في أي علاقة سوية مفيش حاجة أسمها فراغ لان مفروض في ما بينكوا ذكريات وحاجات تفتكروها وفي استقلال ولك واحد فيكوا حياة مختلفة

 

عدم الإهتمام

عدم الاهتمام

عدم الإهتمام وبيجي في صور كتير، ان اي طرف من الطرفين يقرر ميردوش على التاني وضميره مستريح، عدم الإهتمام بالراي او  انك تسمع الطرف التاني، وان يبطل يعمل حاجات اللي بتسعدك

 

المستقبل

المستقبل

لما تلاقيه ميتكلمش في مستقبلكوا، أو بيهرب منه ، تأكدي انك في علاقة فاشلة وانها بستنزف مشاعرك في علاقة كتبت نهايتها بدري.

 

الغيرة

الغيرة

قلة الغيرة مش حلوة والغيرة الزيادة عن اللزوم بتخرب أي علاقة وخصوصا لو  اتقلبت لشك، الشك أول مسمار  في نعش اي علاقة في الدنيا، مش هتبقي مبسوطة، و مع الوقت هتلاقي ان العلاقة بتخنقك.

 

الهروب

الهروب

دايما هتلاقيه بيهرب من اي مناسبة تجمعكوا مع بعض، لو العلاقة ناجحة أو على أساس صح هتلاقيه بيحارب دايما انكوا تكونوا مع بعض وتظهروا مع بعض في اي مناسبة ويحاول يعرفك على اصحابه وهيعرفك على الأماكن اللي بيحبها.

 

رفض الاستماع ليك

رفض التواصل

هتلاقي نفسك دايما مستنية انه يتصل بيكي في الوقت اللي قالك عليه ومبيتصلش، ممكن يكون عن عمد لانه بيحاول يستنزف طاقتك ويخليك مستنية طوال الوقت.
ببساطة لو أي علامة من العلامات موجودة في علاقتكوا مع بعض، اقعدوا مع بعض وشوفوا حل، حل جذري ميخلش اي علامة من العلامات دي تظهر تاني.