سمير غانم هذا الكوميديان الصعيدي الذي ولد في محافظة أسيوط و ألتحق بكلية الشرطة ليحقق رغبه والده بأن يكون شرطي مثله ولكنه تحول الي أحد نجوم الصف الأول فى الكوميديا و جزء من تاريخ السينما و المسرح و التلفزيون الكوميدي بسبب رسوبه الدائم فى مادة الشريعة و بعدها أنتقل الي كلية الزراعة ليبدأ مشواره الفني المحفور في تاريخ الكوميديا المصرية كفنان متميز و مختلف حتى عن كوميديانات جيله ! وتاثيره مش بس عالجمهور كمان وصل لصناع وفناين نشأوا علي اعماله منهم عمرو سلامة اللي كتب بوست عالفيسبوك عنه قبل كده ومنهم الثلاثي (شيكو وهشام وفهمي) اللي ظهر معاهم كذا مرة وغيرهم كتير ..
الأخلاص للهلس
يتميز سمير غانم بأخلاصه للهلس و الكوميديا الخالصة فلا نتذكر في مشواره الفني آي دور درامي جاد على عكس أبناء جيله من محمد صبحي أو عادل أمام فلهم رصيد من الأفلام و المسلسلات الدرامية ولكن سمورة مخلص حتى النهاية للكوميديا .
ذوق رفيع في الملابس
يتميز سمير غانم بأسلوب مميز في ملابسه فهي أقرب الي الملابس الهندي أو الأفريقي وله تصريح في آحد البرامج الحوارية على قناة النهار بأن حلمه بعد الأعتزال هو فتح محل لبيع الملابس الهندي ! شفت فنان بالروقان دا قبل كدا ؟
المسرحيات يعني سمير غانم
مع كامل الأحترام لنجوم المسرح الكوميدي مثل محمد نجم و سيد زيان ولكن لو كنت أفضل الضحك من مسرحية فيكون أختياري لسمير غانم مثل مسرحيات أسمها وحده يكفي لأضحاكك مثل ” أخويا هايص وانا لايص / المتزوجون / الأستاذ مزيكا / جوليو و رومييت ! ” .
بيحب الستات و يقدرها
من أجمل ما يميز سمير غانم أنه بيقدر الستات جداً و مافيش أي لقاء بيظهر فيه إلا لما يتغزل في آي أنثي تظهر في الوسط الفني مثل هيفاء وهبى وروبي وله تصريح في برنامج 100 سؤال على قناة الحياة أنه لو كان فستاناً يتمنى أن ترتديه بينسيه !
برنس فى نفسه
بالرغم من الكوميديا الرهيبة التي يتميز بها سمير غانم إلا أن هذة الكوميديا لم تؤثر على كونه برنس في نفسه ودا بيظهر في اللقاءات التلفزيونية اللي كان بيظهر فيها مثل برنامج أثنين على الطريق أو أهلاً وسهلاً وكان ديماً متألق بالبدل و النظارات المتميزة اللي كان بيلبسها و لا ننسي تدخينه للسيجارة الكيت أثناء اللقاءات !
كفاية فطوطة وسمورة !
لو لم يلعب سمير غانم سوى دور فطوطة سوف يكون له نفس المقدر من التقدير و الحب فتلك فالفوازير وخاصة فطوطة بصوتة المميز وبدلته الخضراء كانت من أفضل ماقدمه التلفزيون المصري فى تلك المرحلة من ثمنينات القرن الماضي .
– بص .. شوف .. مين .. ياوعدي !
” كل من يعشق الأفلام المصرية القديمة الأبيض و أسود لازم يقع في غرام كوميديا سمير غانم فالجيل القديم كان يحفظ أغاني الاسكتشات الذي يؤديها الثلاثي سمير غانم و جورج سيدهم و الضيف أحمد في المسرحيات و الأفلام مثل 30يوم في السجن و طبيخ الملايكة وهنا يظهر الجانب الأنساني الرقيق في شخصية سمورة فبعد وفاة الضيف أحمد قدم مقطوعة بعنوان “عزيزي الضيف أحمد” مليئة بالحزن و الرثاء على صديق و رفيق بدايات مشواره الفني.
قدملنا دنيا و أيمي
ودي حاجة مهم لازم نحب سمورة عشانه أنه قد للسينما و التلفزيون موهبتين خارقتين زي دنيا و أيمي ودا نتاج زواجه من الفنانة دلال عبدالعزيز اللي بيقول انه أتجوزها عشان يخلص من مطارتها له ! وبيقول كمان انه لم يتوقع نجاح أيمي وفاجئته بنجاحها لدرجة انه أطلق عليها ” سمير غانم التاني ” ! ولما بيشاركهم حتي لو لقطات بنشوف متعة خالصة .
