ال 5 ابراج الاكثر جاذبية بالنسبة للرجالة .. انتي مين فيهم؟

الراجل بطبعه بيتشد دايماً للبنت الـ”sexy” أو اللي بمعنى أصح بتكون جذابة وجميلة وبتهتم بنفسها وبأنوثتها، ولأن مش كل البنات زي بعض وكل واحدة عندها اللي يميزها، جمعنالكوا انهاردة الأبراج الأكثر جاذبية بالنسبة لمختلف أنواع الرجالة، وهما كالأتي..

فتاة برج الميزان

البنت في البرج ده عادة بتكون رشيقة وجسمها مثالي ونادراً لما وزنها بيزيد، ده غير إنها بتهتم جداً بتفاصيلها الأنثوية وبتعرف تختار قطع الملابس اللي تناسبها وتناسب شكل جسمها، ودايماً هتلاقيها مظبطة نفسها على سنجة 10، وعشان كدة مفيش راجل يقدر يقاومها.

فتاة برج الحمل

ابتسامة البنت دي هي سر جمالها وجاذبيتها، عليها ضحكة عفوية توقع اجدعها راجل في غرامها من أول نظرة، ده غير جسمها المثالي وتفاصيلها المميزة اللي بتخليها تدخل ومن غير أي مجهود ضمن قائمة أكثر الأبراج جاذبية.

فتاة برج العقرب

غموض بنت برج العقرب بيديها طابع من الإثارة بيستفذ فضول الراجل وبيشده ليها، فبعيد عن سحرها وجمالها واهتمامها وثقتها بنفسها، الذكاء اللي بينط من عينيها ده لوحده كفيل يسحر أي راجل على وجه الأرض.

فتاة برج الجوزاء

حيويتها وإشراقها الدائم هما سر جاذبية فتاة برج الجوزاء، ده غير إن الطاقة الإيجابية اللي بتعكسها على كل اللي حواليها بيخلوها محبوبة من اللي يعرفها او حتى اللي ميعرفهاش، فسواء كانت ملامحها جميلة أو عادية، اول ما اي راجل بيشوفها بيتشدلها من غير ما يفكر.

فتاة برج الحوت

وأخيراً فتاة برج الحوت، واللي لما نتكلم لازم نقول اللي لينا واللي علينا، فعلى الرغم من انها متقلبة المزاج وساعات كتير تحسها بتتحول، إلا إن خفة دمها بتأثر قلب أي حد، وخصوصاً الرجالة لأنهم بيتشدوا لروحها الحلوة اللي تعتبر مصدر جاذبيتها ومفتاحها الأول نحو قلوبهم.

وفي الأخر احب أقولكم إن ده كله مش مقياس، وإن كل بنت عندها اللي بيميزها، سواء بجمالها أو بشخصيتها أو بمهاراتها وغيره، وعلى زي ما قالنا مكي “قوم دور بنفسك جوا نفسك .. هتلاقي حاجة محدش فيها ينافسك”