إحنا تقريباً نص ذكرياتنا متعلقة بأيام المدرسة والفصل .. بما أن اليوم الدراسي عندنا في مصر كان 6 أو 7 ساعات .. يعني كنا بنقضي وقت أكتر من اللي بنقضيه مع أهلنا.
ومن أهم الذكريات اللي مرتبطة بأيام المدرسة .. هي الألعاب اللي كنا بنلعبها في أوقات فراغنا في الفصل واللي كانت بتبقى كتيرة أحياناً بالنظر لحال التعليم في مصر يعني.
تعالوا نسترجع شريط الذكريات ونفتكر أكتر ألعاب كنا بنلعبها في الفصل:
1- لعبة الأقلام
ودي لعبة خاصة بالولاد أكتر .. مش عارف البنات كانوا بيلعبوها ولا لا ولو أني معتقدش إن الآي كيو بتاعهم يؤهلهم أنهم يبتكروا لعبة زي دي .. اللي لحد دلوقتي أنا مش عارف جاتلنا فكرتها إزاي.
فكرة اللعبة دي شبيهة بلعبة البوكيمون .. كل واحد بينزل على “التختة” بقلم ومهمته أنه يضرب قلمه بصباعه بحيث أنه يحاول يوقع قلم صاحبه من على “التختة” .. وأنت بقى وقوة ضربتك وقوة قلمك .. يعني القلم الفرنساوي الكحيان ده كان بيقع من أول ضربة .. وفي ناس دخلت نظام الاحتراف في اللعبة دي وكانت بتلعب بأقلام حبر من النوع الغالي ده عشان تقيلة.
2- لعبة الأجوان
