لو شغلك بيحتاج افكار كتير لو انت مثلا شغال في مجال الدعاية والإعلان او حتى بتفكر في فكرة مقالة جديدة زي حالاتي كدة فأكيد انت عارف ان الأفكار بتيجي في أماكن واوقات غريبة ومريبة زي دول :
-
الحمام طبعا
ايوة الحمام من اكتر الاماكن اللي بيجلنا فيها افكار، واحلى الأفكار بتيجي وانت تحت الدش تحس كدة ان المية السخنة بتزغزغ دماغك فتبدأ تطلع الأفكار.
-
كوبري اكتوبر او المحور
الزحمة بتطلع اسوأ ما فينا، وساعات بتطلع افكار، انت ممكن من ارقام العربيات الغريبة العجيبة اللي بنشوفها يجيلك فكره غير ان لو طريقك على كوبري اكتوبر كل يوم فهتبدأ تتعود على الزحمة ويجيلك مناعة من العصبية وبالعكس الموضوع هيبقى ممتع.
-
غسيل الاطباق
كل البنات بتقضي وقت طويل من حياتها و هي بتغسل الاطباق وأكيد مش هتفضل مبحلقه فيها والميه وخلاص ده في أفكار وخطط شيطانية وقرارات مصيرية بتتاخد في الوقت ده، فياريت تسيب البنت دي في سلام ومتحاولش تقطع حبل افكارها.
-
آخر 5 دقايق في ال brainstorming
هنقعد ساعتين وتلاته نقول في أفكار مقرفة وكليشيهات وبعد ما خلاص نفقد الأمل ونقرر اننا هنقوم ونكمل بعدين هنلاقي واحد بيقول طب انا جاتلي فكرة ونسمعها وتطلع احسن فكرة اتقالت في ال3 ساعات اللي فاتوا.
-
و انت في محاضرة مملة
ودول كتير اوي، تدخل محاضرة تلاقي الدكتور مش بيعمل اي حاجة غير انه ماسك الكتاب وقاعد يقرا منه وخلاص فالطلبة هتتقسم في الوقت ده، في اللي هينام وفي اللي هيقرا كتاب وفي اللي هيمسك ورقة وقلم و يقعد يكتب في أفكار أو يرسم او حتى يكتب مقالات.
-
الكروزة بليل بالعربية
ساعات و انت مخنوق تركب عربيتك بليل وتلف بيها وتلاقي الفكرة اللي انت كنت بتدور عليها طول الأسبوع جاتلك فجأة، فأوعى تنسى تسيب ورقة وقلم في العربية عشان المواقف دي.
-
في الحلم
من كتر مانت بتفكر في فكرة معينة ممكن تحلم بيها! ايوة عقلك الباطن ممكن يشتغل وانت نايم ويطلعلك فكرة ماكنتش تتخيلها.
-
و انت بتسمع الراديو
كمية الهري اللي في الراديو غير طبيعية بس الجانب المشرق انك ممكن من هري الراديو تطلع أفكار لسنتين قدام.
-
يوم التلات في النادي الصبح