act like woman .. think like man دا كتاب مشهور للكاتب ستيف هارفى بيتكلم فيه عن طريقة تفكير الراجل وازي الست تقدر تتعامل بعقلية الراجل فى الوقت اللى تكون برضو محتفظة بكامل انوثتها ورقتها. ها اقولكم على شوية صفات تقدر بسهولة تميز بيهم الست اللى بدماغ راجل:-
1- رئيسة جمهورية نفسها
style هى فعلاً رئيسة جمهورية نفسها صعب التأثير على قرارتها من أول .لبسها لحد أكتر القرارت المصيرية فى حياتها دايماً حاسه بمتعة وهى ماسكة دريكسيون حياتها ومتمكنة منه
2- الرغي
مستحيل يكون لها فى الهري والرغى على الفاضي لأن دا بالنسبة لها طاقة مهدرة ما بتحبش الحورات الكتير .وعندها شجاعة المواجهة من غير حورات
3-لكل مقام مقال
مش معنى أنها بدماغ راجل انها بتفتقد الأنوثة آبسلوتلى !هى بس بتعرف تستخدمها امتى ومع مين بالظبط عمرك ما هتسمع منها كلمات زى ( زحلانة – ومش ليا دعوة) والحاجات اللى تحسسك أنك قدام كائن فضائي ؛ الأنوثة عندها لها مقاييس أكثر جذابية زى شخصيتها و قوتها اقوي بكتير من الدلع السطحى اللى بتنساه بعد 3 ثوانى.
4- الجواز
هتلاقيها هى اللى بتختار جوزها بنفسها محدش يقدر يرشحلها حد او يختارلها ما تستغربش من الجراءة الزيادة لو طلبت من الجواز بنفسها منك لانها ببساطة عارفة احتياجتها كويس فى الراجل اللى هيكون شريك حياتها يبختك بها عشان هى هتريحك كتير
5 – الإنفصال
اما عند الإنفصال هتلاقيها بتتقبل فشل العلاقة العاطفية بطريقة مختلفة مش هتقعد تعيط او تلف حواليك يمين وشمال طالما خدت القرار بـ إنهاء العلاقة دى كل اللى هتعمله نفس عميق وترجع لقواعدها من جديد حياتها ومستقبلها وكيانها اللى هو هدفها الأساسي فى الحياة زى ما اى راجل فى الدنيا لما بيفشل فى علاقة بـ Move on بسرعة ولا كأن حاجة حصلت
6 -السواقة
قد تتفق او تختلف معايا فى هذه النقطة الأ أن كثير مجمع أن فى نوعين من الستات فى السواقة ست بتعرف تسوق اوى والتانية بتعمل كوراث!… لكن فى رأيي الست اللى بدماغ راجل هى من النوع الأول بس دا ميمنعش انك تخلى بالك !
7- التخطيط
الست اللى بدماغ راجل اليوم او الشهر او الاسبوع ماشى بخطة مركزية محكمة عندها فى دماغها عارفة هى عايزة ايه فى مستقبلها مش هتلاقى العشوائيات مسيطرة عليها هى عارفة كل مرحلة من حياتها بتعمل فيها ايه وليه؛ .الستات اللى م النوع لازم تتحط فى متحف عشان متنقرضتش
وطبعاً لو فيكى الصفات دى مش محتاجة اقولك انك جذابة جداً لأى راجل لأنه باختصار بيتعامل مع كأئن من جنسه فى صورة جميلة شيفاها عينيه .