كل أم فينا من اول ماعنيها تشوف ابنها /بنتها وهى بتتمنى اللحظة اللى تشوفه فيها بيكبر ويروح المدرسة بس ككل البدايات بتكون مقلقة فى الأول, فبيكون من أول و أصعب الحاجات اللى بتواجه الأم والأبن معا انهم يفترقوا عن بعض لبعض اللحظات؛ فما بالك لو كان الأبتعاد ده هيكون لساعات وفى مكان جديد على الطفل وفيه أطفال كتير مجهولين للطفل وناس كبار(مدرسات ومشرفات) هيتعامل معاهم لأول مرة غير مامته هيكون شئ مخيف ومرعب جدا؛ وايضا الأم اللى هيمر بدماغها جميع الهواجس من سوء معاملة المدرسة لأبنها أو ان الأطفال هتضربه أو هيقع يتعور؛ ودي بعض النصايح عشان تستعدى لأول يوم حضانة وتتغلبى على كل مخاوفك
1- السن المناسب
فيه أراء كتير فى أختيار السن المناسب لنزول الطفل الحضانة؛ انا شايفة ان ده بيتوقف على الأم نفسها ان كانت عاملة فهتكون مضطرة تنزله قبل السن المناسب وفى الحالة ديه تبحث جيدا عن حضانة فيها كل وسائل الأهتمام المناسبة لعمر طفلها الصغير؛ أو تكون متفرغة تماما للطفل فهيكون الأفضل انها تنزله من عمر ثلاث سنوات يكون حصل على أكبر قدر من الرعاية والأهتمام وهيكون التواصل مع الأطفال الأخرين أفضل بكتير وهيقدر يحكيلك عن كل حاجة بتحصل فهتقدرى تصلحى اى شئ سلبى .
2- نص الوقت
مش لازم أول اسبوع فى الحضانة يروح عدد كبير من الساعات لأنه بيكون حاسس بالضياع والخوف من غيرك وخياله الصغير مصورله أنك خلاص مش هترجعى تانى
فلما ترجعى بسرعة هيفرح وقلقه وخوفه هيقل وكل يوم تزودى ساعة زيادة عن اليوم اللى قبله ومع بدايه الأسبوع التانى هيكون فهم اللعبة وانك بتيجى تاخديه بعض شوية وقت ساعتها تسيبه لأخر الوقت وانتى متطمنه.
3- لعب فقط
تشترطى على العاملين فى الحضانة انه يكون أول أسبوع لعب فقط عشان الطفل يحس انه رايح يتفسح وان الحضانة مكان جميل للعب فقط فيحبها , وبعدين يبداء التعليم تدريجيا عشان ميكرهش الحضانة من أولها.
4- الألتزام
ده مهم جدا عشان نفسية الطفل مينفعش توديه يوم وخمسة لأ او يومين ورا بعض يعيط تغيبيه اليومين اللى بعدهم على أساس انه لما يروح تانى مش هيعيط بالعكس تماما لازم يروح كل يوم وفي مواعيد ثابتة ومحددة عشان يتعود؛ وساعتها العياط هيقل تدريجيا لحد اما هينتهى وبعدها هو اللى هيطلب انه يروح الحضانة .
ده مهم جدا عشان نفسية الطفل مينفعش توديه يوم وخمسة لأ او يومين ورا بعض يعيط تغيبيه اليومين اللى بعدهم على أساس انه لما يروح تانى مش هيعيط بالعكس تماما لازم يروح كل يوم وفي مواعيد ثابتة ومحددة عشان يتعود؛ وساعتها العياط هيقل تدريجيا لحد اما هينتهى وبعدها هو اللى هيطلب انه يروح الحضانة .
5- حضانة قريبة
حوالى تختارى حضانة قريبة من البيت تحسابا لأى طوارق فتلحقى تروحى بسرعة؛ ودايماً تتصلى تطمنى عليه من وقت للتانى.
حوالى تختارى حضانة قريبة من البيت تحسابا لأى طوارق فتلحقى تروحى بسرعة؛ ودايماً تتصلى تطمنى عليه من وقت للتانى.
6-الحمام وسنينه
أفضل شئ تعمليه وتستعدى ليه قبل نزول الحضانة بفترة كافية (لأن الموضوع ده بيستغرق وقت طويل واحيانا عدة شهور) انك تعوديه على أستخدام الحمام لوحده.
7- أختيار الحضانة
أهم شئ لراحتك انتِ النفسية هى الحضانة نفسها تكونى كويسة وده بتحديده من مستوى الرعاية والنضافة والأمان والأهتمام اللى بتقدمها الحضانة؛ ومستوى العاملين فيها؛ ووجود حديقة كبيرة وأماكن مخصصة للعب وجود أنشطة كثيرة للطفل لتفريغ طاقته وعدم الهاء الطفل بمشاهدة الأفلام الكرتونيه؛ ويكون بيها عدد كبير من المشرفات,؛ وأسألى كتير وأعرفى تجارب الأمهات اللى فى الحضانة عشان تكونى مطمنة وده هينعكس على الطفل.
أهم شئ لراحتك انتِ النفسية هى الحضانة نفسها تكونى كويسة وده بتحديده من مستوى الرعاية والنضافة والأمان والأهتمام اللى بتقدمها الحضانة؛ ومستوى العاملين فيها؛ ووجود حديقة كبيرة وأماكن مخصصة للعب وجود أنشطة كثيرة للطفل لتفريغ طاقته وعدم الهاء الطفل بمشاهدة الأفلام الكرتونيه؛ ويكون بيها عدد كبير من المشرفات,؛ وأسألى كتير وأعرفى تجارب الأمهات اللى فى الحضانة عشان تكونى مطمنة وده هينعكس على الطفل.
8- خليه يحبها
ديما تحيكله عن الحضانة وانه أمتى يكبر ويروح الحضانة الجميلة وهيبقى عنده أصحاب كتييير ولعب أكتر خديه معاكى أثناء بحثك عن الحضانة وخليه يقول رأيه فيها ومع أقتراب نزوله الحضانة دايما تدخلى كلمة حضانة فى أى شئ احنا هنشترى جزمة وشنطة جديدة للحضانة انت هتلعب كتير أوى فى الحضانة وهكذا عشان يكون شئ معروف بنسباله وميتصدمش أول ماتسيبه فيها لوحده
ديما تحيكله عن الحضانة وانه أمتى يكبر ويروح الحضانة الجميلة وهيبقى عنده أصحاب كتييير ولعب أكتر خديه معاكى أثناء بحثك عن الحضانة وخليه يقول رأيه فيها ومع أقتراب نزوله الحضانة دايما تدخلى كلمة حضانة فى أى شئ احنا هنشترى جزمة وشنطة جديدة للحضانة انت هتلعب كتير أوى فى الحضانة وهكذا عشان يكون شئ معروف بنسباله وميتصدمش أول ماتسيبه فيها لوحده
9- لعبته المفضلة
أخيرا هتلعب لعبته المفضلة دور مهم؛ وهو رايح الحضانة قوليله تحب مين من اللعب أصحابك يروح معاك الحضانة وسيبه يختار لعبته؛ أستأذنى من مديرة الحضانة انه هيحضر بلعبته فى أول الأيام عشان ميحسش بغربة؛ وجود لعبته معاه هتخليه يشعر بالأمان وانو مش وحيد فى المكان.
أخيرا هتلعب لعبته المفضلة دور مهم؛ وهو رايح الحضانة قوليله تحب مين من اللعب أصحابك يروح معاك الحضانة وسيبه يختار لعبته؛ أستأذنى من مديرة الحضانة انه هيحضر بلعبته فى أول الأيام عشان ميحسش بغربة؛ وجود لعبته معاه هتخليه يشعر بالأمان وانو مش وحيد فى المكان.10-ظبطى النوم
انك تنظمى نومه قبل الحضانة بأسبوعين هيسهل عليكى كل شئ تقريبا؛ هيكون أريح واسهل فيه انه يحب الحضانة بدل ما لسه هتعوديه على الصحيان بدرى أثناء نزوله الحضانة فهتكون بالنسبة له شئ مزعج جدا والضغوطات هتكون أكبر وعدم نشاطه مش هيخليه قادر يلعب او يستوعب حاجة وقله النوم هتزود من عصبيته وبكائة.
انك تنظمى نومه قبل الحضانة بأسبوعين هيسهل عليكى كل شئ تقريبا؛ هيكون أريح واسهل فيه انه يحب الحضانة بدل ما لسه هتعوديه على الصحيان بدرى أثناء نزوله الحضانة فهتكون بالنسبة له شئ مزعج جدا والضغوطات هتكون أكبر وعدم نشاطه مش هيخليه قادر يلعب او يستوعب حاجة وقله النوم هتزود من عصبيته وبكائة.
