“!كما يقول المثل “هناك مرة أولى لكل شىء”
وفي أول مرة تبدأ بالتسائل عن كل شىء وأى شىء حتى عن تلك السماء الغريبة وماهية السحب الغريبة الموجودة بالأعلى، هل هى غزل بنات طائر؟ ربما، لا أحد يعلم، .ومن أين تأتى الأطفال؟ كيف وجُدنا في هذا العالم، وأسئلة كثيرة من هذه النوعية
ومن أهم تلك الأسئلة التى نبدأ بالتفكير في إجابات لها هى لماذا هذه السيدة أمى، ولماذا هذا الرجل أبى؟ كيف أتينا هل هنا؟
لذلك قُمنا بسؤال 10 شباب مصريين كيف أكتشفوا أننا لم نأتى من خلال إمساك أبوينا لأيدى أحدهم الأخر!
كيف أكتشفت الجنس لأول مرة في حياتك؟
1. “أول مرة أعرف ايه هو الجنس لما كنت في المدرسة، كنت في أولى ثانوي، واصحابى اللي أكبر منى قالولى إن أهلى مارسوا الجنس مع بعض! في الأول ماصدقتش ولما روحت البيت سألت بابا، هو فعلاً أنت وماما عملتوا كدة؟ وبعدها بدأت مناقشة مع بابا ودة كان أغرب حوار دار بينّا في الحياة وبعدها فهمت ان هو دة العادى!”
2. “كان عندى 8 سنين وكنت بتفرج على فيلم على شريط الدى في دى اللي كان عندنا وبعدين فيه مشهد +18 جيه في الفيلم، ماحتجتش اسأل أى حد عن أى حاجة، ماكنش فيه حاجة محتاجة شرح، فهمت كل حاجة من المشهد دة!”
3. ” لما كان عندى تقريبًا 12 سنة، واحد أكبر منى معايا في المدرسة قرر يشرحلى كل حاجة، بعد كدة شوفت فيلم +18 وكل حاجة بقت مفهومة بالتدريج، وأى شاب بيقول أنه أكتشف الجنس بطريقة غير دى من الأخر كدة “بيحور” لأن النت هو مُعلمنا الوحيد!”
4. ” كنت في المدرسة وكنت في حصة علوم، وكنا لسة بنتعلم عن الفروق الأساسية بين جسم الولد والبنت، وعرفت يعنى ايه “أعضاء تناسلية في جسم الإنسان” وفهمت أكتر عن الجنس، و أول حاجة جت بعدها جت على بالى إنى عايز أجرب الحاجة دى، وخلى بالك إن انا وقتها مكونتش أكتر من عيل صغير عنده 8 سنين”
5. ” السواق بتاع واحد صاحبى خده معاه بيت دعارة! صاحبى كان نفسه يجرب دة لأول مرة، صاحبى مارس الجنس لأول مرة وتانى يوم جيه المدرسة وقعد يحكيلنا عن تجربته، وإحنا سألناه عن كل حاجة، ايه اللي حصل؟ عملت ايه؟حسيت بإيه؟ وأسئلة تانية كتير.
بعدها جابلنا أفلام +18 أو زى ما بنقول “أفلام بورن” وكنا بنروح نتفرج عليها في حمام المدرسة، ودة كله وإحنا 13 سنة بس!”
6. كنت طفل صغير، بالظبط كان عندى 12 سنة، كنت رايح لأوضة بابا وماما وكانوا نايمين مع” بعض” وسمعت أصوات غريبة!
ساعتها كنت فاكر انهم بيبوسوا بعض، بعدها بكام يوم قابلت ابن خالتى، حكيتله اللي حصل، قالى دول مكانوش بيبوسوا بعض، كانوا بيعملوا حاجة تانية، سألته ايه اللي ممكن يكون كانوا بيعملوه، وحكالى كل حاجة، أول ما خلص حكى كنت قرفان جدًا من اللي سمعته و في الأول ماصدقتهوش.”
7. “أول مرة أشوف عملية جنسية بالمعنى الحرفى للكلمة، كان على التلفزيون، مكونتش فاهم ايه اللي بيحصل بصراحة، وبعدين فكرت ايه اللي ممكن يخلينى أعمل حاجة قذرة زى دى، بس دة اللي كنت فاهمه ساعتها، إنها حاجة قذرة!”
8. ” و أنا صغير كنت فاكر إن الراجل بيتجوز الست وبعدها بيجيبوا أطفال بطريقة مباشرة عادى خالص، باكدج كاملة على بعضها، وبالنسبة للناس اللي متجوزة ومعندهاش أطفال، فهو ربنا عايز كدة!
وبعدها في تجمع عائلى من التجمعات الكتير، واحد من العيلة كان بيحكى عن تقليد بيحصل في جزيرة “قبرص” وإنه الناس بتتجوز بعد ما يبقى عندها أولاد، جريت على ماما وسألتها ازاى بيخلفوا قبل مايتجوزوا يا ماما؟ وبعدين قالتلى إجابة مكانتش مُقنعة خالص بالنسبالى، قالتلى انهم اتجوزوا في الكنيسة، لكن ما عملوش فرح.
وبعدها وانا في المدرسة كنت باخد حصة أحياء، فهمت يعنى ايه حيوان منوى، وبويضة و ازاى الجنين بيتكون في رحم الأم، سألت ازاى الحيوانات المنوية بتروح من الراجل للست؟ وساعتها لاقيت إجابات على كل الأسئلة اللي سألتها.”
9. ” كنت في أول ثانوى، وكنت في درس في البيت عندى، والمدرس كان بيشرح ازاى الجنين بيتكون والحيوانات المنوية بتنتقل من الراجل للست، بس المدرس قرر يتجاهل الجزء اللي بيحصل فيه تواصل مابين الراجل والست من الدرس خالص، واحد صاحبى فضل يزن على المدرس وسأله 50 ألف مرة لغاية ما المدرس أخيرًا جاوبنا كلنا.”
10. ” واحد صاحبى كان معايا في الفصل، شوفته وهو بيتفرج على “بورن” على موبايله، دة حصل في نفس الوقت اللي كنت فاكر إن البنات عندها نفس الأعضاء اللي عندنا بالظبط! كنت في سنة تالتة إعدادى، واكتشفت معلومات كتير في قعدة واحدة بس كانت أكبر من إن عقلى الصغير يقدر يستوعبها!”
