بقلم : Safaa Ahmed
بمناسبة دخول رمضان علينا …بنحاول نرصد بعد المتغيرات عن رمضان زمان ودلوقتي واللي بقيت جزء من احساس الاختلاف اللي بنحسه …
1- رمضان بيجى بسرعة
الوقت بين رمضان ورمضان السنة اللى بعدها بقينا نحس قصير جداً ودا مخليك مش بنفس درجة اللهفة بتعت زمان
2- الفوانيس
الفوانيس الصيني والمفتش كورمبو وباربي والشخصيات الجميلة اللي خلتنا منحسش بطعم الفانوس ابو شمعة اللي كنا بنتجمع حوله زمان
3- برامج المقالب
سبق وبرامج المقالب والمسابقات .. ايام زمان كنت فوازير نيلي او السنة اللي بعدها شريهان عملنا حالة تشويق كدا وعدم ملل؛ دلوقتي كله شبه بعضه ومتاح وبيتعاد ٥مرات في اليوم
4 – مسلسلات رمضان
اما الكام مسلسل اللى كانو بيتعرضوا زمان كان بيعملوا علامة معاك لان في الغالب كانت دراما اجتماعية حقيقة مين ينسي لياالي الحلمية والمال والبنون والشهد والدموع.
دلوقتى انت فى سبق وكله شبه بعضه تقريباً قتل على ضرب على مخدرات على رقص وشكراً مفيش حاجة هتعلم معاك بنفس درجة زمان.
5- رمضان والحر
زمان كان رمضان مرتبط بالشتاء والدفئ في الكام سنة الاخيرة ذهنك ربط الصيام بالحر والعطش وبالتالي معاناة اكتر ودا بيقلل من درجة الروحانيات عندك بس ادينا بنحاول وكله بثوابه.
6- السياسة والثورة
فى الكام سنة الاخيرة ارتبط رمضان باحداث سياسيةكتير بتخليك معظم الوقت تدخل في جدل و مزيادة تخليك في صراع كدا عشان متفقدش صيامك علي حد خليك هادئ وكبر دماغ وحاول تستمتع بصيامك
7- الإذاعة
مبقاش كتير يهتم بالاذاعة بالرغم التواشيح اللي قبل اذان المغرب بصوت النقشبندي او نصر الدين طوبار والطبول الشهيرة بعد انتهاء الدعاء علامة محفورة في ذهننا برمضان الا ان كتير مبقاش يفتح الراديو اساساً خاصة وقت الفطار
8-بوجى وطمطم
كفايا انك مبقتش تتفرج علي سلاحف النينجا وبوجي وطمطم حتي بكار لما ظهر بثوبه الجديد مقدرش يشبع جونا ااحنين للحاجات دي
9- اللمة
