“معلش” هي أسوا كلمة على الإطلاق ممكن تقولها لحد لا هي أسف، ولا هي اعتذار، ولا هي أي حاجة، هي ممكن تكون تصبيرة، أو مواساة عديمة الفايدة ومن غير تأثير .
معلش، لها في اللغة أصل.. هي اختصار لـ”ما عليه شيء”، وكان يقولها القاضي إذا قرر الحكم بالبراءة على متهم، وكانت تستخدم أيضاً لوصف فعل رجل سفيه أو فاقد لعقله، فيقال “ما عليه شيء”، يعني سامحوه، فهو لا يعقل ما يفعل أصلاً.
فلو حد جاه يحكي لك على حاجة مضايقه، أو داخل على مرحلة إكتئاب بلاش تقوله كلمة معلش ولا هتريحه ولا هتخفف حاجة ممكن تستبدل كلمة معلش بشوية حاجات غيرها ممكن يكون لها تأثير
الحضن
لو جالك حد قريب منك مضايق وعلى وشك الإكتئاب ممكن تحضنه وأثبتت الدراسات العلمية معانقة الشخص لفترة طويلة يحفز مستوى “السيروتونين” المسئول عن هرمون السعادة اللي بتنتح عن الإحساس بالأمان بسبب الحضن
خروجة
لو خرجتوا مع بعض في أي مكان، هتساعد الشخص على الخروج من مرحلة الزعل وتعافيكي من كلمة “معلش”
هدية
الهدية في وقت غير الأعياد الميلاد أو الأعياد الرسمية او الأوقات اللي متعرف عليها ان الناس بتهدي بعضها فيه بتكون سبب في السعادة مش لازم حاجة كبيرة ممكن شكولاته او ورقه مكتوبة عليه كلام حلو
موقف بيضحك
لو في موقف كوميدي حصل ما بينكوا او حصل معكوا، فكروا بعض به وأكيد هتبقي احسن من كلمة معلش
