الكومتمنت او الأرتباط بالنسبة لناس كتير هو إرتباط واحد وواحدة ويعيشوا قصة حب ويتكلموا بليل ويسمعوا اغاني والكلام ده، الفكرة اننا مرتبطين بحاجات تانيه غير الحبيب ومش واخدين بالنا منها زي:
-
كرسي الشغل
انت كل يوم الصبح بتروح الشغل تصبح على الناس وتقعد وفجأة تحس ان فيه حاجة غريبة تقوم تتكدر وبعلو حسك قايل: مين اللي خد الكرسي بتاعي؟ وتبدأ رحلة البحث وتجريب الكراسي لغاية متلاقي كرسيك. الموقف ده بيحصل دايما ايوه احنا بنبقى مرتبطين بكراسينا في الشغل بشكل غريب لدرجة ان في ناس بتكتب اساميها على كرسيها والأحدث بقى انهم ساعات بيربطوا الكرسي في المكتب
-
الشبشب
تفضل تلبس فيه لغاية اما اثاره بتختفي من الوجود ومصمم متجبش غيره، لأنك فعلا مش بترتاح غير فيه بس للأسف بنوصل لطريق مسدود وبيتقطع فبتضطر تجيب غيره وبتقعد بتاع اسبوع كده على متتعود عليه…غير استخدامه الاسمي عند كثير من امهاتنا …
-
الموبايل
ارتباطنا بموبايلتنا غير اي ارتباط؛ موبايلك في ايدك تقريبا 24 ساعه ناقص عدد ساعات نومك اللي برضه بيبقى نايم جمبك فيها، احكيلي كده كام مرة قلبك وقع اما وقع على الأرض او هنج منك، اتكدرت اد ايه اما اتخدش وبرضه بعد ماتجيب موبايل جديد هتاخد وقت و هيوحشك القديم
-
السوشيال ميديا
السوشيال ميديا بالنسبة لنا مش وسيله بنعرف بيها اخبار صحابنا وبس، احنا مرتبطين بأكونتاتنا جدا والدليل على كده الرعب اللي بيسيطر عليك اما يطلعلك ايرور ان الباسورد غلط، والأوحش بقى اما الأكونت يضيع فعلا وتضطر تعمل واحد جديد، الفكرة كلها في الذكريات المربوطة بالأكونت القديم اللي عمرك ما هتعرف ترجعها تاني
-
السرير
سريرك بتحس انه واخد عليك وفاهمك المكان اللي بتنام عليه واخد شكل جسمك ومخدتك واخده شكل دماغك، كتير اما تغير سريرك متعرفش تنام
-
المج
مجك اللي بتشرب فيه انت مرتبط بيه من غير ما تاخد بالك ولو غيرته هتحس ان طعم مشروبك غريب ولو حصل والمج اتكسر بتحس بحزن شديد لغاية ما تجيب واحد تاني وتحاول تتعود عليه
-
اللاب توب
جربت تقعد على لاب توب مش بتاعك وحسيت انك جاهل ومش فاهم حاجة؟ ده عادي لأنك مرتبط باللاب توب بتاعك وعارف وحافظ ترتيبه كويس، كلمني كده عن النكد اما تقرر تعمل Format تحس انك مش عارف مين اللي قدامك ده واحد متعرفوش!
-
عربيتك