بقلم كيرلس بهجت
كشباب مفيش أجمل من الشتيمة عشان نهزر مع بعض، تقلق اوي لما صاحبك مايشتمكش؟! يبقي أكيد متضايق او في حاجة، فأنتا علطول تهزر معاه و تسأله عنه و تشتمته
في مقالة بعنوان If You Want to Bond With Someone, Swear at Them بيقول الكاتب Drake Baer إن الشتيمة أسهل طريق لبنا علاقة قوية بين الاصدقاء أو حتي بين الناس عموما , فبيذكر قصة لمدرس يعرفه كان بيشتم بين الطلاب عشان يقرب منهم و يكون زي صاحبهم , بس ليه ؟! .. الفكرة إن الشتيمة في حد ذاتها سلوك المفروض بيبقي غير مقبول اجتماعيا , فانتا بتقول لفظ مش منطقي انه يتقال قدام كل الناس لكن اللي بيحصل انك بتختار مجموعة معينه من الاشخاص و تقوله قدامهم او معاهم , فانتا ميزت الصديق ده حتي و لو بتشتمه هو ! فهو بيشاركك في حدث خاص جدا و هو الشتيمة ! حاجة تانية , الشتيمة فيها نوع من انواع الكوميديا , فانتا في غالب شتيمتك لصاحبك بتكون ضمن تريقة ما او لحظة كوميديه بينكوا , و ده بيزود الألفة و المحبة في علاقتكوا
في النهاية كأصحاب و خصوصا كولاد ( و يمكن الولاد أكتر عشان في نسبة كبيرة من البنات معروف إنهم كائنات رقيقة والحاجات دى بتأثر علي مشاعرهم )
) الشتيمة بتبقي أسلوب اساسي في الحياة، اللي هو اول ما يتصل بصاحبه ( صباح الخير يا ### ) أو ( واحشني جدا يا أبن الـ $%$# ) أو في نهاية المكالمة ( يلا اشوفك قريب يا $%^ ) أو ( والله حبيبي يا #$% أمك ) .. لدرجة إن كل ما كان مستوي الشتيمة اقوي و أكثر أباحة كل ما كانت علاقة ثابته و عميقة بين الطرفين
.. فمافيش حد بيصاحب اوي غير لما يكون بيشتم و يأبح أوي
