وإحنا صغيرين كنا بنمر بمرحلتين واحنا بنشوف أي فيلم كارتون، بتبدأ المرحلة الأولى بأننا بنندمج جدًا في أحداث الفيلم وبتنتهي بتعلقنا ببعض الشخصيات، وبعد ما يخلص الفيلم الحاجة اللى بتفضل في بالنا يا أما أننا نجيب الشخصيات دي يعيشوا معانا، يا أما نروح نعيش معاهم في العالم اللى مفيش حد مبيتمناش يدخله لو ساعة واحدة وهي دي المرحلة التانية.
بس ورا العالم اللى كلنا فاكرين أننا عارفين كل تفاصيله.. تفاصيل صغيرة احنا منعرفهاش، تفاصيل مخدناش بالنا منها، حاجات بتوريك جزء صغير من صناعة العالم المبهر وما ورائه:
1- فيلم 101 كلب ، و فيلم بيتر بان، وفيلم النبيلة والرشاد “Lady and the Tramp”، وفيلم مولان .. هما أفلام ديزني الوحيدة اللى فضل موجود فيها الوالدين ومامتوش خلال الفيلم.
2- فيلم Frozen هو أول فيلم كارتون في ديزني أخرجته ست.
3- شخصية Sid الولد اللى كان بيعذب الألعاب في الجزء الآول من فيلم “حكاية لعبة”.. ظهر مرة تانية في الجزء التالت من الفيلم بشخصية “عامل قمامة”.
4- فيلم “Sleeping beauty” فشل جداً في سنة 1959، ودة كان سبب في أن يتم تسريح عدد كبير من العمال من ديزني، وكان آخر فيلم ديزني بتظهر فيه أميرة، لحد فيلم “the little mermaid” اللى اتعرض بعد 30 سنة.
5- أسم الراجل اللى أستخدمته مولان وهي في الجيش “Fan Bingbing”.. هو مصطلح صيني يُستخدم للإشارة لأشخاص أو حاجات ملفته للنظر لكنها مش مهمة أوي.
6- أول أستخدام للـ ” double tracking” في المزيكا بشكل عام في فيلم سندريلا، وقتها طلب والت ديزني من المغنية ايلن وودز لو كانت تقدر تغني المزيكا لنفسها.. وفعلاً من بعدها بقى تقنية مهمة وأساسية في صناعة الموسيقى.
7- للأسف كان مضحوك علينا وبو اللى في فيلم “شركة المرعبين المحدودة”.. اسمها الحقيقي ماري.
8- تم تصميم شخصية رامز في فيلم “up” على نفس شكل موظف من مواظفين شركة بيكسار.
9- في فيلم الأسد الملك أو The Lion King استخداموا زئير نمر مش أسد بسبب أن زئير النمر أكثر ارتفاعًا وقوة.
10- 9.4 مليون بالون أستخدمتوها عشان يرفع منزل فريد زين في فيلم “Up”.
By: Mohamed Mahmoud.
