بقلم : Safaa Ahmed
الشخص الـ Picky هو الشخص اللى مش اى حاجة بترضيه بسهولة بيهتم بأدق التفاصيل حتى لو كانت حاجات بسيطة ومش مستهلة لكن هى عنده بتكون كبيرة اوى ها اقولك على شوية حاجات كدا لو اجتمعت فيك اعرف انك شخص فعلاً picky
1- السفر
عند السفر هتلاقى الشخص الـ picky بيهتم بكل تفصيلة فى الرحلة مينفعش حاجة تقع منه هتلاقيه بيأكدا 100 مرة على كل حاجة زي مواعيد الباص و الفندق والتفاصيل اللى ممكن الفندق يقدمها له من أول مفارش السرير لحد الشاطئ وضواحيه !
2- الشراء
اما ساعة الشراء لما بيجى يشتري حاجة مش هتلاقيه زى الناس العادية لما يشوف حاجة تعجبه يشتريها علطول ابسلوتلى هو لازم يأخذ round بتعته الأول فى كل الأماكن الممكنة قبل مايأخذ قرار الشراء سواء هيشتري قميص او عربية الموضوع مبدأ عنده 😀
3- الزواج
عند الزواج بقى ماتستغربش لو لقيته بيتأخر فى زواجه لأسباب ممكن تكون مش منطقية اوى بالنسبالك بس دا حد بيختار لبسه بالعافية ما بالك جوزاة هتلاقيه حتى لو وقع فى الحب لكن عقله برضو شغال وعمال يحسبها يمن وشمال عشان يرضى عقله اللى مش بيبطل يهتم بالتفاصيل من الأخر مرايه الحب مش بتعرف تضلله برضه زى الناس العادية .
4- الأكل
لو خرجت مع شخص Picky اعرف انك احتمال كبير تطلب أكل وتخلصه قبله بكتير لانه بيقلب فى المنيو بتاع 10 مرات مثلاً بيقارن بين الأكل والسعر واللى جربه واللى لسه عايز يجربه .. وهكذا
5- النجاح
من أهم مميزات الشخص الـ picky هو النجاح فى الغالب هتلاقيه شخص ناجح فى حياته خاصة العملية لأن عدم وصوله لمرحلة الرضا بسهولة بيعلى سقف طموحاته دايماً ويخليه عنده اصرار انه يوصل للى عايزه وميقبلش غير النجاح فى حياته .
6- الخبرة
طبعاً اهتمام الشخص الـ picky بالتفاصيل وعدم وصوله لقرارات سريعة الا فى ضوء قاعدة عريضة من البيانات عن اى حاجة عايز يعملها بيخلى عنده خبرة اكتر من ناس تانية كتير لأن فى النهاية التفاصيل فى الغالب بتوصله لأفضل قرار اللى هى هدفه اصلاً .
7- المتعة
